ہارون رشید بی بی سی اردو ڈاٹ کام، اسلام آباد

مقامی لوگوں کے مطابق دھماکہ فرنٹیر کنسٹیبلری کے ایک اہلکار کے مکان کے باہر رکھے بم سے ہوا۔ زخمیوں کو طبی امداد کے لئے ڈسٹرکٹ ہیڈکواٹر ہسپتال ڈیرہ اسماعیل منتقل کر دیا گیا ہے۔

ہلاک ہونے والا شخص ایک راہ گیر خضر حیات، جوکہ محکمہ تعلیم میں کلرک تھا، بتایا جاتا ہے۔

ڈیرہ میں صحافی عثمان غنی نے بتایا کے روسی ساخت کے بم سے تین گاڑیاں اور ایک موٹر سائیکل کو شدید نقصان پہنچا۔

پولیس حکام نے موقعے پر پہنچ کر تفتیش شروع کر دی ہے۔ ان کا کہنا ہے کہ بظاہر اس واقعے کا وانا کی صورتحال سے تعلق ہوسکتا ہے لیکن حمتی طور پر وہ تحقیقات کے مکمل ہونے پر ہی کچھ کہا جا سکتا ہے۔