شہباز شریف کے ایک حامی سے پولیس کا سلوک

ان کی جماعت کے ایک رہنما بن یامین کا کہنا تھا کہ شہباز شریف کو پاکستان کی عدالتِ عظمیٰ نے واضح اجازت دی تھی اور انہیں وطن بدر کیا جانا اس فیصلے کی توہین ہے۔

ان کا کہنا تھا کہ عدالت نے اس فیصلے میں اس معاہدے کا بھی ذکر کیا ہے اور کہا ہے کہ حکومت ایسا کوئی معاہدہ پیش نہیں کر سکی۔

لاہور کی ایک عام خاتون نے جنہوں نے اپنا ظاہر کرنے سے گریز کیا کہ کہا کہ ’آنا ان کا حق ہے اور انہیں آنا چاہیے اور کسی کو بھی انہیں انے سے روکنا نہیں چاہیے اور جو بھی ایسا کرے گا وہ غلط کام کرے گا۔‘

گوالمنڈی لاہور کے ایک رہائیشی نے کہا کہ ’وہ ہمارے لیڈر ہیں، انہوں نے ہمارا بہت ساتھ دیا ہے انہوں نے بھی اور نواز شریف نے بھی، پاکستان ان کا ملک ہے۔‘

صحافی اور مبصر ایاز امیر کا کہنا تھا کہ یہی خیال کیا جا رہا تھا کہ انہیں ملک بدر کر دیا جائے گا۔

ان کا کہنا تھا کہ اس معاملے کو اس تناظر میں دیکھا جانا چاہیے کہ انتخابات کے باوجود یہ ایک نیم فوجی حکومت ہےاور بہت سی باتوں کے بارے میں خود کو غیر محفوظ محسوس کرتی ہے۔‘