یہ صفحہ دوست کو ای میل کیجیئے		پرِنٹ کریں

بین الاقوامی تنظیموں نے صحافیوں کی غیر مشروط رہائی کا مطالبہ کیا تھا

پاکستان میں گرفتار ہونے والے دو فرانسیسی صحافیوں کو کراچی کی ایک عدالت نے ضمانت پر رہا کر دیا ہے۔

ان پر الزام ہے کہ وہ سرکاری اجازت لیے بغیر افغان سرحد کے پاس سفر کر کر رہے تھے۔

انہیں کراچی سے سترہ دسمبر کو گرفتار کیا گیا تھا۔

سندھ ہائی کورٹ نے مارک ایپسٹین اور جین پال گِلوٹیو کو، جو فرانس کے جریدے لا ایکسپریس کے لیے کام کرتے ہیں، کہا ہے کہ وہ جرمانے کے طور پر سترہ سو پچاس ڈالر جمع کرائیں۔

ان کے وکیل کا کہنا ہے کہ وہ امید کرتے ہیں کہ آج (بدھ کے روز) فرانسیسی صحافیوں کو جیل سے رہا کر دیا جائے گا۔

انہوں نے پیر کے روز پہلی مرتبہ اپنی ضمانتیں نامنظور ہونے کے بعد بھوک ہڑتال شروع کر دی تھی۔

فرانسیسی صحافیوں کے ساتھ گرفتار کیے جانے والے پاکستانی معاون خاور مہدی رضوی ابھی تک پولیس کی تحویل میں ہیں۔

صحافیوں کی گرفتاری پر بین الاقوامی انسانی حقوق کی تنظیموں نے شدید تنقید تھی اور غیر مشروط طور پر ان کی رہائی کا مطالبہ کیا تھا۔