آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
پاکستان سمیت دنیا بھر میں برف باری کے دلکش مناظر سوشل میڈیا کی زینت بن گئے
برف باری ایک ایسا قدرتی امر ہے جس سے دنیا بھر کے لوگ لطف اندوز ہوتے ہیں اور اسے براہ راست دیکھنے کے لیے لوگ جوق در جوق میدانی علاقوں سے پہاڑوں تک کا سفر کرتے ہیں۔
پاکستان میں بہت سارے ایسے جنت نظیر مقامات موجود ہیں جہاں سے برف باری کا مزہ لیا جاسکتا ہے اور حال ہی میں ملک کے شمالی علاقہ جات میں برف باری ہوئی اور سیاح ان خوبصورت مناظر کو اپنے کیمروں میں محفوظ کر کے سوشل میڈیا پر شیئر کرتے نظر آئے۔
ٹوئیٹر پر صارف کاشف نے چترال میں برف باری کی ویڈیو کو شیئر کیا جس میں پرندوں کی چہچہانے کی آوازیں سنی جا سکتی ہیں۔
خضر حیات خان نے بھی علی الصبح چترال میں گری ہوئی برف کی تصویر کھینچی جس میں برف کے ساتھ جھڑے ہوئے پودے بھی نظر آ رہے ہیں۔
ایک اور صارف عباس شاہ نے بھی گلگت بلتستان کے کسی مقام کی ایک دلکش تصویر اپنے اکاؤنٹ پر لگائی ہے۔ رات کے وقت کھینچی گئی اس تصویر میں سفید برف پر درختوں کے سیاہ سائے آنکھوں کو لبھاتے ہیں۔
انسٹاگرام پر ارہام یوسفزئی نے آسمان سے کھینچی ہوئی تصویر شیئر کی جس میں ایک سڑک پر جیپیں کھڑی نظر آ رہی ہیں۔
ایک اور صارف عزیر نے سکردو سے اپنی ایک تصویر شیئر کی جس میں وہ برف سے ڈھکے دلفریب پہاڑوں اور وادی کے سامنے نظر آ رہے ہیں۔
جیسے پاکستانی سوشل میڈیا پر خوبصورت برف باری کے مناظر نظر آ رہے ہیں ویسے ہی امریکا اور یورپ سمیت پوری دنیا میں بھی ایسی تصویریں منظر عام پر آ رہی ہیں:
End of سب سے زیادہ پڑھی جانے والی
