آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
پاکستان کی سعودی عرب کو ’سی پیک‘ میں شمولیت کی دعوت
پاکستان کی نئی حکومت کا کہنا ہے کہ سعودی عرب وہ پہلا ملک ہے جسے پاکستان نے چین اور پاکستان کے درمیان جاری منصوبے سی پیک میں تیسرا پارٹنر بننے کی دعوت دی ہے۔
اسلام آباد میں پریس کانفرنس سے خطاب کرتے ہوئے وزیر اطلاعات فواد چوہدری نے وزیراعظم کے دورہ سعودی عرب کی تفصیلات سے آگاہ کیا۔
انھوں نے بتایا کہ اکتوبر کے پہلے ہفتے میں ایک معتبر سعودی وفد پاکستان آئے گا۔ سعودی وزیر خزانہ ، وزیر توانائی اور بزنس سے متعلقہ شخصیات آئیں گے۔
'سی پیک میں اب ہمارا تیسرا سٹریٹیجک یا اقتصادی پاٹنر جو ہو گا وہ سعودی عرب ہو گا اور بہت بڑی سرمایہ کاری سعودی عرب سے پاکستان کو اس راستے میں ملیں گی۔۔۔۔'
’سعودی عرب سے پاکستان کو سی پیک کے ذریعے بہت بڑی سرمایہ کاری ملے گی۔
مزید پڑھیے
End of سب سے زیادہ پڑھی جانے والی
وزیر اطلاعات نے بتایا کہ اس سلسلے میں دونوں ممالک نے ایک خصوصی کمیٹی بھی تشکیل دی ہے۔
تاہم سابق وزیر اطلاعات اور مسلم لیگ ن کے رہنما احسن اقبال نے اس خبر کے بعد یہ سوال اٹھایا ہے کہ پاکستان اور چین کے درمیان جاری اس دوطرفہ معاہدے میں تیسرے فریق کو شامل کرنے کے لیے کیا پاکستانی حکومت نے چین سے کوئی بات کی ہے۔
پاکستان نے سعودی عرب کو یقین دلایا کہ ان کی سکیورٹی کے جو معاملات ہیں ان میں ہم جس طرح کی بھی مدد کر سکتے ہیں وہ مدد مہیا کی جائے گی۔'
خیال رہے کہ گذشتہ روز جمعرات وزیراعظم سعودی عرب کے دو روزہ دورے کے بعد متحدہ عرب امارات کا مختصر دورہ کر کے وطن واپس پہنچے۔
وزیر اطلاعات کا کہنا تھا کہ یو اے ای کا وفد بھی پاکستان آئے گا۔
انھوں نے بتایا کہ پاکستان اور سعودی عرب اور متحدہ عرب امارات کے درمیان تعلقات میں برسوں سے موجود سرد مہری حالیہ دورے سے ختم ہوئی ہے۔
انھوں نے کہا کہ سعودی عرب اور یو اے ای میں مقیم پاکستانیوں کی درپیش مشکلات پر بھی بات ہوئی۔
پاکستانی حکام کی جانب سے جاری پریس ریلیز میں بتایا گیا تھا کہ وزیراعظم نے عمرے کی ادائیگی کے بعد سعودی شاہ سلمان بن عبدالعزیز اور ولی عہد محمد سلمان سے ملاقاتیں کیں۔
سعودی حکام نے وزیراعظم عمران خان کی جانب سے ملک کو سماجی اور معاشی طور پر اسلامی اصولوں کے مطابق فلاحی ریاست بنانے کے خواب کی تعریف کی اوریقین دہانی کروائی کہ سعودی لیڈر شپ اس کے لیے پاکستان کی جس حد تک ہو سکے گا مدد کرے گی۔
وزیر اطلاعات نے یہ بھی کہا کہ سعودی عرب یا کسی دوسرے ملک کی جانب سے نواز شریف کی جیل رہائی کے لیے کوئی بات نہیں ہوئی۔
’جو لوگ یہ کہہ رہے ہیں کہ سعودی عرب سے پتہ نہیں بات ہوئی یا کریں گے پھر ان کو پتہ ہی نہیں سعودی عرب اور نواز شریف کے تعلقات کیا ہیں۔۔۔۔ نہ کسی ملک نے کہا کہ نواز شریف۔۔۔ تمام دنیا میں اس وقت کرپشن کے خلاف ایک تحریک چل رہی ہے۔ اور محمد بن سلمان عرب دنیا میں کرپشن کے خلاف تحریک کے سرخیل ہیں تو وہ کیسے کہہ سکتے ہیں کہ پاکستان میں کسی شخص کو چھوڑ دیا جائے۔‘
