آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
بلوچستان: آپریشن میں تین افراد ہلاک، 21 گرفتاریوں کا دعویٰ
- مصنف, محمد کاظم
- عہدہ, بی بی سی اردو ڈاٹ کام، کوئٹہ
پاکستان کے صوبہ بلوچستان کے دارالحکومت کوئٹہ اور ضلع کیچ میں سرکاری حکام نے سکیورٹی فورسز کی کارروائی میں فائرنگ کے تبادلے میں تین مسلح افراد کو ہلاک کرنے کا دعویٰ کیا ہے۔
ان کارروائیوں کے دوران 21افراد کو گرفتار بھی کیا گیا ہے۔
سینیچر کی شب میڈیا کو فرنٹیئر کور کے ترجمان کی جانب سے جو معلومات فراہم کی گئیں ان کے مطابق دو افراد کی ہلاکت کوئٹہ میں ہوئی۔
ترجمان کا کہنا تھا کہ کوئٹہ شہر کے سبزل روڈ کے علاقے میں سکیورٹی فورسز نے آپریشن کیا اور آپریشن کے دوران فائرنگ کے تبادلے میں دو افراد ہلاک ہوئے جن کا تعلق کالعدم تنظیم سے تھا۔
ترجمان کے مطابق ایک اور کارروائی میں ایران سے متصل ضلع کیچ کے علاقے مند میں عسکریت پسندوں کی موجودگی پر کی گئی۔
ترجمان کا کہنا تھا کہ کارروائی کے دوران فائرنگ کے تبادلے میں ایک شخص ہلاک ہوا جس کا تعلق ایک کالعدم عسکریت پسند تنظیم سے تھا۔
کوئٹہ اور کیچ میں تینوں افراد کی فائرنگ کے تبادلے میں ہلاکت اور کسی شدت پسند یا عسکریت پسند تنظیم سے تعلق کی تاحال تصدیق نہیں ہوئی ہے۔
ایف سی کے ترجمان کے مطابق مند میں کارروائی کے دوران کالعدم تنظیم سے تعلق کے شبے میں دس افراد کو گرفتار کرکے ان سے اسلحہ بھی برآمد کیا گیا۔
End of سب سے زیادہ پڑھی جانے والی
اس سے قبل کوئٹہ کے تین مختلف علاقوں میں کومبنگ آپریشن کے دوران کالعدم تنظیموں سے تعلق کے الزام میں 11 افراد کو گرفتار کرنے کی معلومات فراہم کی گئی تھیں۔
