اسرائیل نے فلسطینی شدت پسندوں کے ہاتھوں ایک فوجی ہلاکت کے بعد بین الاقوامی انتخابی مبصرین کے ذریعے یہ پیغام جاری کیا ہے۔

ہفتے کی صبح ہی ایک واقعے میں ایک فلسطینی پولیس چیف کو غزہ میں ایک چوکی پر گولی مار کر ہلاک کر دیا گیا۔

توقع ہے کہ اتوار کو بیس لاکھ افراد یاسر عرفات کا جانشین منتخب کرنے کے لیے ووٹ ڈالیں گے۔

انتخابی مہم ختم ہو چکی ہے۔ فلسطینی انتظامیہ کی صدارت کے لیے سات امیدوار میدان میں ہیں۔ انتظامیہ کے عبوری صدر نے اعلان کیا ہے کہ پارلیمانی انتخابات سترہ جولائی کو ہوں گے۔

اسرائیل نے سنیچر کے روز سے بہتّر گھنٹے کے لیے سفری پابندیاں نرم کرنے کا اعلان کیا تھا۔ لیکن اپنے فوجی کی ہلاکت کے بعد وہ اپنے اس فیصلے پر نظر ثانی کر رہا ہے۔

دریں اثناء غرب اردن میں نابلس کے قریب ایک حملے میں تین اسرائیلی فوجی زخمی ہو گئے ہیں۔ فلسطینی شدت پسند تنظیم الاقصیٰ بریگیڈ نے اس حملے کی ذمہ داری قبول کی ہے۔

سنیچر کی صبح ہلاک والے فلسطینی پولیس چیف محمود الفرح کے گھر والوں کے مطابق وہ ڈیوٹی کے بعد لفٹ کے انتظار میں کھڑے تھے جب وہ اسرائیلی گولیوں کا نشانہ بن گئے۔

اسرائیلی فوج کا کہنا ہے کہ محمود الفرح رائفل کے ساتھ سیکیورٹی زون کی طرف بڑھ رہے تھے۔