معمر القذافی نے وسیع تباہی کے ہتھیاروں سے دستبردار ہونے کا فیصلہ کیا ہے

اٹلی نے یورپی یونین کے سامنے یہ تجویز پیش کی تھی کہ لیبیا کے خلاف اسلحہ کی پابندی ختم کر دی جائے تاکہ اٹلی سے لیبیا کو جدید ٹیکنالوجی بھیجھی جاسکے اور غیر قانونی تارکین وطن کو اس ٹیکنالوجی کی مدد سے اٹلی آنے سے روکا جا سکے۔

یورپی یونین اور امریکہ نے لیبیا کے خلاف دہشت گردی کی امداد کرنے کے الزام میں 1986 میں اسلحہ کی پابندیاں لگائیں تھیں۔ اقوام متحدہ نے 1988 میں ایک امریکی ہوائی جہاز کو لاکربی، سکاٹ لینڈ میں گرانے کی الزام میں لبیا کے خلاف 1992 میں اقتصادی پابندیاں لگائیں تھیں۔

لکسمبرگ میں آج یورپی یونین کے وزراء خارجہ لیبیا کے خلاف اقتصادی پابندی اٹھانے کے سلسلے میں ملے اور ایک قدم آگے جا کر انہوں نے اسلحہ کے خلاف بھی پابندی اٹھانے کا فیصلہ کیا۔

اس بارے میں یورپی یونین کے سفیروں نے 22 ستمبر کو ہی لیبیا کے خلاف پابندیاں اٹھانے کے بارے میں بات چیت کی تھی۔

اٹلی چاہتا ہے کہ لیبیا اپنے ساحل پر گشت کرے تاکہ اس جانب سے اٹلی آنے والے سینکڑوں غیرقانونی وطن کو روکا جساکے۔ اس عمل کے لئے اٹلی چاہتا ہے کہ لبیا کی تکنیکی مدد کی جائے۔

امریکہ نے بھی پچھلے مہینے لبیا کے خلاف پابندیاں اٹھا لی تھیں۔ ایسا اس وقت ممکن ہوا تھا اب لیبیا نے جوہری ٹیکنالوجی سے دستبردار ہونے کا فیصلہ کیا۔ کرنل قذافی کے ہتھیار نہ بنانے کے فیصلے کی وجہ سے واشنگٹن نے لبیا کے خلاف پابندیاں اٹھا لی تھیں۔