طبی اہلکاروں کے مطابق ان حملوں میں سات افراد ہلاک اور بہت سے زخمی ہوئے ہیں۔

عینی شاہدین کے مطابق اسرائیلی فوجی علاقے میں خندقیں کھود کر اس کے ایک حصے کو غزہ سے کاٹنے کی کوشش کر رہے ہیں۔ اطلاعات کے مطابق فوجی گھر گھر تلاشی لے رہے ہیں۔

کئی فلسطینی اپنا سازو سامان لیکر وہاں سے جا رہے ہیں کیونکہ ان کو اندیشہ ہے کہ اسرائیل کیمپ کے جنوبی حصے پر قبضہ کرنے کے لئے مزید گھروں کو مسمار کرے گا۔

گزشتہ ہفتے اسرائیلی افواج اور فلسطینی شدت پسندوں کے درمیان لڑائی کے بعد درجنوں گھروں کو مسمار کر دیا گیا۔اقوامِ متحدہ کے سیکریٹری جنرل کوفی عنان نے اسرائیل سے اپیل کی ہے کہ وہ اس تباہی کو بند کر دے کیونکہ یہ بین الاقوامی قوانین کی خلاف ورزی ہے ۔