مقتدیٰ الصدر نجف میں محصور ہیں

اطلاعات کے مطابق ہزاروں فوجیوں نے شہر کے گرد حصار بنایا ہوا ہے۔ جبکہ کربلہ میں پرچے تقسیم کیے جا رہے ہیں جن میں مقتدیٰ الصدر کے مجرم کے طور پر پیش کیا جا رہا ہے۔

یہ بھی اطلاع ہے کہ وہ غیرمشروط مذاکرات پر تیار ہوگئے ہیں اور ایران مصالحت کروانے کی کوشش کر رہا ہے۔

الصدر کے بارے میں کہا گیا ہے کہ وہ حضرت علی کے روضہ کے قریب ہی موجود ہیں۔

ان کے ایک ایلچی عبدلکریم الانزی کا کہنا ہے کہ گزشتہ روز ان کی الصدر سے ملاقات ہوئی تھی جس میں الصدر نے حالیہ بحران کے خاتمہ کے لئے مثبت تجاویز دی تھی۔

صدر بش نے امریکی فوج کے عراق میں رہنے کا عزم دہرایا ہے جبکہ کئی غیرملکی شہری اغوا کی وارداتوں کے بعد عراق چھوڑ رہے۔

نجف کے گرد دو ہزار پانچ سو امریکی فوجیوں کے علاوہ پولینڈ اور سپین کے فوجی بھی موجود ہیں۔