پانچ افراد کو جن میں سے دو کا انڈیا سے اور تین کا مراکش سے تعلق ہے سپین کے دارالحکومت میڈرڈ میں حملوں کے کچھ ہی روز بعد گرفتار ہوئے تھے۔ ان حملوں میں دو سو ایک افراد ہلاک ہوئے تھے۔

ان افراد کے مقدمے کی سماعت ہائی کورٹ کا ایک جج کرے گا۔

پولیس کا کہنا ہے کہ گرفتار ہونے والے چاروں افراد عرب ہیں۔ اس سے قبل سپین کے وزیر داخلہ نےکہا تھا کہ تفتیش فیصلہ کن مرحلے میں داخل ہو گئی ہے۔

انہوں نے ہوائی اڈوں، کھیلوں کے عمارات اور دیگر اہم تنصیبات کے لئے سلامتی کے نئے اقدامات کا اعلان کیا تھا۔

پہلے پہل گرفتار ہونے والے پانچ افراد کے بارے میں عدالت کو فیصلہ کرنا ہے آیا ان کے خلاف فوری طور پر فرد جرم عائد کی جائے، ان کو مزید پوچھ گچھ کے لئے پولیس کے حوالے کیا جائے یا انہیں ضمانت پر رہا کر دیا جائے۔

سپین کے قانون کے مطابق اگر مذکورہ پانچوں افراد کے خلاف فرد جرم عائد کرنے کے لئے کافی شواہد موجود ہوئے تو انہیں چار سال تک حراست میں رکھا جا سکتا ہے۔