گزشہ سال نومبر میں ہونے والے ان حملوں میں غیر ملکیوں سمیت ایک سو تہتر افراد ہلاک ہو گئے تھے۔

دکاندار نے بتایا کہ خریدار نے فون نمبر مہیا کیا تھا۔ یہ فون نمبر بعد میں بند کر دیا گیا تھا۔ تاہم اس نمبر کو بند کرنے کے لیے جو فون استعمال کیا گیا اس کا نمبر ملا۔ اس نمبر سے ہمیں اور معلومات حاصل ہوئیں اور ان معلومات میں ایک بینک بھی شامل تھا۔ اور اس بینک میں ایک شخص کا بینک اکاؤنٹ تھا اور اس کا تعلق بھی ممبئی حملوں سے تھا۔ یہ اکاؤنٹ حماد امین صادق کا تھا جو کہ اس منصوبہ بندی کے مرکزی آپریٹر تھے۔

حماد کی نشاندہی پر تفتیش کار ان دہشت گردوں کے اڈوں تک پہنچے۔ ایک اڈہ کراچی میں تھا اور دوسرا کراچی سے دو گھنٹے کی مسافت پر۔

ایک کشتی الحسینی کے نام سے بلوچستان میں رجسٹرڈ تھی۔ اطلاعات کے مطابق یہ کشتی سمندر میں ڈوب گئی جس کی تصدیق نہیں ہوئی۔ لیکن جس کشتی میں دہشت گرد گئے تھے اس کا نام الفوز ہے جو کہ تحویل میں ہے۔ یہ کشتی جب سمندر سے واپس ساحل پر آئی تو اس کشتی پر ماشاء اللہ لکھا ہوا تھا۔ ان دونوں کشتیوں الحسینی اور الفوز کا عملہ ایک ہی تھا۔