ضیا احمد جنیوا

تصویر پر ایپل کمپنی کی علامت نمایاں ہے اور اس کے نیچے انگریزی میں لکھا ہے ’تھِنک ڈِفرنٹ‘ (تخلیقی گرامر میں ’مختلف انداز سے سوچیے‘)۔ سیب کا نشان دیکھ کر اکثر لوگ کہتے ہیں: ’بھئی ضرور ایپل کے سی ای او ہوں گے، کیا نام تھا ان کا؟‘ کچھ کا خیال ہوتا ہے کہ تصویر کسی مشہور موسیقار کی ہے۔ کچھ کہتے ہیں کہ اداکار ہیں، ابھی تو انہیں کسی فلم میں دیکھا تھا! ایک صاحب کا خیال تھا کہ مجھ میں تصویر والے صاحب کی شباہت آتی ہے اس لیے یہ ضرور میرے والد یا دادا ہیں۔ میں نے ان کو بتانے کی کوشش کی کہ تصویر والے صاحب ذرا گوری رنگت کے ہیں اور میں ذرا بھوری۔ اس لیے رشتہ داری مشکل ہے۔ تو کیا ہوا؟ انھوں نے فرمایا، میرے والد مجھ سے کہیں گورے ہیں لیکن ہیں تو میرے والد۔

صرف دو لوگ تصویر والے صاحب کی شناخت کرنے کے قریب آئے ہیں۔ ایک بھائی نے کہا: ’یہ ضرور نیوٹن ہیں۔‘ میں نے کہا: ’بھائی، سوچ آپ کی صحیح سِمت میں ہے مگر چچا نیوٹن کو مرے کئی سو سال ہوچکے۔ تصویر والے حضرت تو جدید دور کے لگتے ہیں۔‘ میرے دفتر کے ایک ہی ایسے ساتھی تھے جنہوں نے تصویر کو دیکھتے ہی کہا: ’ارے، یہ ہمارے کالج کے سابقہ طالب علم تمہاری دیوار پر کیا کررہے ہیں؟‘

تو اب یہی سوال میں آپ سے کرتا ہوں: یہ آدمی کون ہے؟ اس سوال کے پسِ منظر میں جدید معاشرے کی تنقید ہے۔ اگر اوپر برٹنی سپئیرز مٹک رہی ہوتیں، تو سب پڑھنے والے انہیں باآسانی پہچان لیتے۔ تصویر والے صاحب نے انسانیت کے لیے شاید بڑٹنی سپئیرز سے زیادہ کیا ہو، لیکن انہیں شاید ہی کوئی پہچانے۔ اپنا جواب اس بلاگ کے ذریعے بی بی سی اردو کو ارسال کیجیے۔

کچھ اشارے پیش ہیں۔ ان کو سیف کھولنے، بانگو ڈرم بجانے، ایٹم بم بنانے، اوٹھ پٹانگ مزاق اور ہوسٹِس باروں سے خواتین اٹھانے پر عبور حاصل تھا۔

محمد ارباب خان، کشمیر، پاکستان
میرے خیال میں یہ آئنسٹائن ہیں۔

اشتیاق احمد، سوٹزرلینڈ
یہ تھیوریٹیکل فیزیسِسٹ رچارڈ پی فینمین ہیں جنہیں انیس سو پینسٹھ میں فیزِکس میں نوبل انعام ملا تھا۔

خرم خان، ازبیکستان
اوپن ہائیمر۔

وقاس رانا، لاہور
جی جناب تو پھر اتنی خوبیوں کے ساتھ تو پھر یہ یقیناً کوئی مشہور پاکستانی سیاست دان ہی ہوں گے۔ آپ کا کیا خیال ہے جناب؟

فیصل بھگت، اسلام آباد
اینریکو فرمی۔

جاوید رفیق، چین
رابرٹ جے اوپن ہائیمر۔

علیم اختر، گجرات
یہ سب نشانیاں تو جیمز بانڈ کی ہیں۔

عمیر حسین، پشاور
یہ مشہر پروفیسر رچارڈ پی فینمین ہیں۔

نظام، دبئی
ایئن سٹیون۔

اقبال احمد صدیقی، کراچی
ضیا بھائی، آپ نے بلاگ لکھا ہے کہ امتحانی پرچہ دیا ہے؟ جہاں تک میرا خیال ہے یہ ہیں تو کوئی سائنس دان ہیں۔ مگر نام کا نہیں معلوم۔ ویسے آپ کے اس بلاگ کا کیا مطلب لیا جائے؟ میں آپ کو کوئی تصویر بھیج دوں تو آپ کیسے معلوم کریں گے؟

کامران چودھری، ٹورانٹو
مجھے یقین ہے کہ انہوں نے کچھ خاص نہیں کیا۔ نہ جانے آپ کے پاس ان کی فوٹو کیوں ہے۔ کسے پرواہ ہے کہ یہ کون ہیں۔