عارف شمیم بی بی سی اردو ڈاٹ کام، لندن

روٹی کا مسئلہ نیپال میں بھی مجھے اور میری بیوی کو اس وقت پیش آیا جب ہم نے ایک ہوٹل کے مینیو پر پراٹھا دیکھ کر اس کا آرڈر دیا اور پھر پراٹھے کی راہ تکتے رہے۔ جب کافی دیر تک پراٹھا نہ پہنچا اور آملیٹ بالکل ٹھنڈا ہو گیا تو ویٹر کو بلا کر اس کی وجہ پوچھی۔ اس نے آہستہ سے میز پر پڑی ایک چھوٹی سے اوندھے منہ پڑی کٹوری کو سیدھا کیا اور اندر سے پکے ہوئے آٹے کا ایک نوالے جتنا کچومر ہمارے سامنے کر دیا۔ اس کے بقول وہ پراٹھا تھا۔

اب پراٹھا کھانے کی نہ اجازت ہے اور نہ ہی شاید ہمت، ہاں چاہت ضرور ہے اور ہمیشہ رہے گی۔ کچھ عرصہ پہلے میری ڈاکٹر نے مجھ سے کھانے کی تفصیل پوچھی تو میں نے تھوڑے بہت جھوٹ کے ساتھ اسے سچ سچ بتا دیا کہ میں صبح تقریباً نہیں کھاتا، دوپہر کو کم کھاتا ہوں اور رات کو تقریباً ڈٹ کر۔ اس نے سن کر کہا کہ یہی ہے بیماری کی اصل وجہ۔ پھر اس نے مجھے بتایا کہ انگریزی میں کہتے ہیں کہ ناشتا بادشاہوں کی طرح کھاؤ یعنی غذائیت سے بھرپور اور پیٹ بھر کر، دوپہر کا کھانا ملکہ کی طرح کھاؤ اچھی طرح، پر بادشاہ سے کم اور رات کا کھانا ایک غریب اور مفلس آدمی والا۔ ’اسی طرح تم صحت کی دولت سے مالا مال ہو سکتے ہو‘۔ میں اب کبھی کبھار صبح صبح بادشاہ بننے کی کوشش ضرور کرتا ہوں۔ آپ بھی کیجیئے شاید افاقہ ہوجائے۔

موسیٰ، لاہور

آپ نے بہت ہی اچھا نسخہ بتایا ہے۔ میں اپنی پوری کوشش کروں گا کہ اس طریقے پر عمل کروں۔ شکریہ۔

حیدریار اورکزئی، ہنگو

عارف صاحب ڈاکٹر کی بات پر دھیان دیں۔ کیونکہ آپ کو معلوم ہے کہ ’دل سے‘ کو علاج سے زیادہ احتیاط کی ضرورت ہے۔

عبدالوحید خان، برمنگھم

پاکستان اور پاکستانی کھانوں کی کیا بات ہے لیکن اس کا اندازہ جب ہی ہوتا ہے جب آپ باہر کے ممالک جاتے ہیں۔ ورنہ تو گھر کی مرغی دال برابر والی بات ہے۔

صباح الدین بٹ، سوئٹزرلینڈ

عارف صاحب، ہمت کی بات کریں اجازت کی کون پرواہ کرتا ہے۔ ہمت ہو تو ہما وقت بادشاہت کرنے سے کون روک سکتا ہے۔

نظام، دبئی
یہ بلاگ تو دل سے نہیں پیٹ سے لکھا ہوا ہے۔

علی عمران، کراچی

کھانے کا معاملہ بہت نازک ہے ان کے لیئے جو کھانے کے لیئے جیتے ہیں۔ لیکن ہم تو جینے کے لیئے کھاتے ہیں یعنی ایک ناشتہ بھرپور اور ایک کھانا وہ بھی رات کو۔ ڈنر نہ کرنا ٹھیک نہیں ڈاکٹر سے ہمیں اختلاف ہے کیونکہ ہم نے ایک حدیث سنی ہے کہ رات کو کھانا نہ کھانے والا بہت جلد بوڑھا ہو جاتا ہے۔

عامر بھٹی، اسلام آباد، پاکستان
جناب ایک وقت کا کا بادشاہ بننے کا کیا فائدہ؟ بندہ بنے تو پورے دن کا۔۔۔

ثنا خان، کراچی

صبح کے وقت میں بھی ملکہ، دوپہر میں غریب اور رات میں بھی ڈبل ملکہ۔ کھانے کی ’روٹین‘ بدلنا بہت مشکل ہے۔

شاہدہ اکرام، دبئی

شمیم بھائی، آپ ایک بات بتائیں کہ پراٹھا جیسی چیز سے بچنا کتنا مشکل ہے۔ لیکن کیا کریں دل ہی تو ہے نہ سنگِ خشت، جو ڈاکٹر کہے وہ ہی کھانا ہو گا۔ لیکن دل کبھی کبھار تو منہ کا ذائقہ تبدیل کر ہی لیا جاتا ہے۔ بس یہ ہے کہ روزانہ کی روٹین میں سب کچھ ایک مقدار رکھا جائے۔