صلاح الدین بی بی سی اردو ڈاٹ کام، دِلی

	’اجمل نے اپنے ساتھی کی تدفین کا مطالبہ کیا ہے‘

راکیش ماریا نے ذرائع ابلاغ سے بات کرتے ہوئے کہا کہ خط انڈیا میں پاکستانی ہائی کمیشن کے لیے ہے اور اسے وزارت خارجہ کوبھجوایا ہے جو اسے آگے بڑھانے کے طریقۂ کار پر فیصلہ کرے گی۔

پولیس کے مطابق اجمل نے خط میں مطالبہ کیا ہے کہ ان کے ساتھی ابو اسماعیل کی لاش کو ان کے اہل خانہ کے سپرد کیا جائے۔

پولیس کے مطابق اجمل نے پاکستانی ہائی کمیشن سے قانونی امداد کا بھی مطالبہ کیا ہے۔ اطلاعات کے مطابق اجمل نے خط میں اپنے انڈیا پہنچنے کے بارے میں بتایا ہے اور انہوں نے یہ بھی لکھا ہے کہ ان کی تربیت کہاں اور کیسے ہوئی۔

پاکستانی ہائی کمیشن سے اس خط کے بارے میں بارہ راست بات نہیں ہو سکی لیکن انڈیا کے ذرائع ابلاغ میں خبریں نشر کی جا رہی ہیں پاکستانی ہائی کمیشن کو خط نہیں ملا۔

دریں اثناء ایک وکیل اشوک سروگی کے مطابق ایک غیر سرکاری تنظیم کا کہنا ہے کہ کسی بھی ملزم کو دفاع کا حق ہے اور اجمل کو بھی یہ حق ملنا چاہیے۔
سروگی نے کہا کہ ان کی اس تنظیم سے بات چیت چل رہی ہے اور وہ شاید اس مقدمے کو لڑیں گے۔

اشوک سروگی ابو سالم کے بھی وکیل ہیں جو انیس سو ترانوے میں ممبئی میں ہونے والے بم حملوں کے مقدمے کے ملزم ہیں۔

اس سے قبل ممبئی میں بار کونسل کا متفقہ فیصلہ تھا کہ کوئی بھی اجمل قصاب کا کیس نہیں لڑے گا اور ایک مشہور وکیل دنیش موتا نے کا کیس لینے کے خلاف بیان بھی شائع ہوا تھا۔