نارائن باریٹھ جے پور

	خواجہ معین الدین چشتی کے مزار پر بم دھماکے میں تین لوگ ہلاک ہو گئے تھے

اجمیر کے پولیس انسپکٹر جنرل نند کشور نے بی بی سی کو بتایا ہے کہ پولیس کو امید ہے کہ ان خاکوں کی مدد سے ملزموں کا پتہ لگایا جا سکے گا۔

انہوں نے لوگوں سے اپیل کی ہے کہ اگر وہ ان خاکوں سے ملتے جلتے کسی چہرے کو دیکھیں تو فورا پولیس کو اطلاع کریں۔

گیارہ اکتبور کو اجمیر میں واقعہ مشہور خواجہ معین الدین چشتی کی درگاہ میں یہ دھماکہ اس وقت ہوا تھا جب رمضان کے آخری جعمہ کو ہزاروں کی تعداد میں زائرین روزہ افطار کر رہے تھے۔

اس دھماکے میں تین افراد ہلاک جبکہ چودہ افراد زخمی ہوئے تھے۔

دھماکے کے بعد درگاہ کی سکیورٹی بڑھا دی گئی تھی۔اس دھماکے کے بارے میں پولیس نے تقریباٌ دو درجن لوگوں سے پوچھ گچھ کی لیکن دھماکے میں شامل لوگوں کے بارے میں کوئی پتہ نہیں چل سکا ہے۔