سبیر بھومک کولکاتہ

	کسی تنظیم یا گروپ نے ان دھماکوں کی ذمےداری قبول نہیں کی ہے

پولیس کے مطابق پہلا بم دھماکہ شہر کے فینسی بازار میں ہوا۔ پولیس کا کہنا ہے کہ جس وقت یہ دھماکہ ہوا اس وقت وہاں ریاست بہار سے آئے ہوئے کئی لوگ مذہبی گیت گانے کے لئے جمع تھے۔پولیس کے مطابق پہلے دھماکے میں کم از کم تیرہ افراد ہلاک ہوئے ہیں۔

دوسرا دھماکہ شہر کے جنوبی علاقہ میں ہوا۔ یہاں دھماکے کے سبب دو افراد مارے گئے۔

اب تک کسی تنظیم یا گروپ نے ان دھماکوں کی ذمےداری قبول نہیں کی ہے ۔لیکن پولیس نے علحیدگی پسند گروپ الفا پر اپنا شک ظاہر کیا ہے۔

ریاستی پولیس کے خفیہ ادارے کے اعلی اہلکار کھاگین سرما کا کہنا ہے کہ الفا نےماضی کی طرح اس مرتبہ بھی ہندی زبان بولنے والوں کو اپنا نشانہ بنایا ہے۔

تجزیہ کاروں کا کہنا ہے کہ ستمبر میں مرکزی حکومت اور الفا کے درمیان بات چیت ناکام ہونے کے بعد یہ اب تک کا سب سے بڑا حملہ ہے۔

آسام میں علیحدگی پسند ایک عرصے سے آزادی کا مطالبہ کر رہے ہیں۔