انتخابات کے دوران سخت حفاظتی انتخابات کیے گئے تھے

اس مرحلے میں دو سو ستائیس امیدواروں کا مستقبل طے کیا جائے گا۔ مدنا پور، بنکوڑا اور پرولیہ اضلاع میں ووٹ ڈالنے والوں کی تعدار تیس لاکھ خواتین سمیت تقریباً ساٹھ لاکھ ہے۔

ماؤنوازوں نے انتخابات کے بائیکاٹ کی اپیل کی ہے۔

ووٹنگ کے دوران مغربی بنگال کی سرحدوں کو سیل کر دیا گیا ہے۔اس کے علاوہ تقریباً سات ہزار ووٹنگ بوتھوں پر ڈیجٹل کیمرا لگائے گئے ہیں۔

پہلے مرحلے کے لیے لیفٹ فرنٹ کے 43 امیدوار ہیں جس میں کمیونسٹ پارٹی آف انڈیا(ایم) کے 35 امید وارشامل ہیں۔ ترینامول کانگریس نے 39 نشستوں کے لیے اپنے امیدواروں کو میدان میں اتارا ہے جبکہ بھارتیہ جنتا پارٹی نے چار نشستوں پر اپنے امیدوار کھڑے کیے ہیں ۔ کانگریس نے 36 حلقوں کے لیے اپنے امیدوار اتارے ہیں۔ وہ جھارکھنڈ مکتی مورچہ کے ساتھ انتخاب لڑ رہی ہے۔
مغربی بنگال میں اسمبلی انتخابات کے لئے پانچ مرحلوں میں ووٹ ڈالے جائیں گے۔ دوسرا اور تیسرا مرحلہ 22 اور 27 اپریل کو ہے جبکہ چوتھے اور پانچويں مرحلے کے لیے ووٹنگ تین اور آٹھ مئی کو ہوگی۔

مغربی بنگال میں گزشتہ چھ اسمبلی انتخابات میں مارکسوادی کمیونسٹ پارٹی نے فتح حاصل کی ہے۔

اس مرتبہ انتخابی کمیشن نے مغربی بنگال میں سخت رویہ اختیار کرتے ہوئے دیواروں پر انتخابی نعرے لکھنے پر پابندی عائد کی ہے ساتھ ہی کمیشن نے ان دیواروں پر بھی سفیدی کرا دی ہے جن پر پہلے سے انخابات سے متعلق کچھ لکھا ہوا تھا۔

انتخابی کمیشن نے تقریباً 12 لاکھ فرضی نام بھی ووٹر لسٹ سے ہٹا دیے ہیں۔ انتخابات میں کسی بھی طرح کی گڑبڑی روکنے کے لئے کئی مقامات پر چھاپے بھی مارے گۓ ہیں۔ انتخابی کمیشن کے اس رویہ پر بائيں بازو کی جماعتوں نے سخت رد عمل کا اظہار کیا ہے۔