مسٹر گیلانی کشمیری علیحدگی پسند تنظیم کل جماعتی حریت کانفرنس کے سخت گیر دھڑے کے سربراہ ہیں۔ اطلاعات کے مطابق وہ منظور الاسلام نامی ایک ہلاک شدہ علیحدگی پسند کے خاندان سے ملنے جنوبی شہر اننت ناگ جانے والے تھے۔

سکیورٹی حکام کا کہنا ہے کہ منظور الاسلام بدھ کو ایک جھڑپ میں مارے گئے تھے، مگر حریت کانفرنس کا کہنا ہے کہ انہیں حراست میں ہلاک کر دیا گیا۔

منظور الاسلام پندرہ سال قبل جموں و کشمیر لبریشن فرنٹ کے آننت ناگ ضلع کے ڈِسٹرکٹ کمانڈر تھے۔ بعد میں وہ دس سال جیل میں رہے اور رہائی کے بعد حکام کا کہنا ہے کہ وہ پھر عسکری کارروائیوں میں شامل ہوگئے اور جمیعت المجاہدین کے کمانڈر بن گئے۔

بعض پولیس افسروں نے بی بی سی کو بتایا تھا کہ منظور الاسلام کو چند روز پہلے گرفتار کیا گیا تھا اور انہیں ایک نقلی مقابلے میں ہلاک کردیا گیا۔ لیکن یہ افسر اپنا نام ظاہر نہیں کرنا چاہتے ہیں۔

کل جماعتی حریت کانفرنس کے مولانا عمر فاروق نے اس ہلاکت کی مذمت کی تھی۔