انتخابی اشتہارات دیکھے جائیں

عدالت کے مطابق تمام انتخابی اشتہارات کا نشر ہونے سے تین روز قبل کمیشن کو جانچ کے لیے پیش کیا جانا ضروری ہو گا۔

سپریم کورٹ کی جانب سے یہ فیصلہ حال ہی میں بھارتی ٹیلیوژن پر سیاسی انتخابات کی ایک ایسی سیریز کے نشر ہونے کے بعد کیا گیا ہے جس میں سینیر سیاسی رہنماؤں کی ساکھ کو متاثر کرنے کی کوشش کی گئی تھی۔

نئی وفاقی حکومت کے قیام کے لیے عام انتخابات آئندہ ہفتے شروع ہونے والے ہیں جو تقریباً تین ہفتوں تک جاری رہیں گے۔

بھارتی ٹیلیوژن پر دکھائے جانے والے ان انتخابی اشتہارات کا اہم ہدف وزیراعظم واجپئی اور حزب اختلاف کی رہنما سونیا گاندھی ہیں۔

عدالت نے منگل کو اپنے اس فیصلے میں یہ بھی باور کرایا کہ ایسے کیبل آپریٹر جو ان اشتہارات کی تشہیر جاری رکھیں گے ان کے نشریاتی نظام کو ضبط بھی کیا جا سکتا ہے۔

عدالت کا یہ نیا حکم دو اپریل کو آنے والے اس فیصلے کو مزید مستحکم کرتا ہے جس میں ان اشتہارات کے دوران کسی قسم کے ذاتی، مذہبی اور اخلاقی اقدار کو ٹھیس پہنچانے پر پابندی عائد کی گئی تھی۔