اداکار ڈسٹن ہوفمین ایم ٹی وی ایوارڈ کی تقریب میں

ایم ٹی وی فلم ایوارڈز کی اس تقریب کی سب سے کامیاب اداکارہ ریچل ایڈمز رہیں اور انہوں نے تین ایوارڈ حاصل کیے۔

ریچل ایڈمز کو یہ ایوارڈ تین مختلف کرداروں پر دیے گئے۔ انہیں دو ایوارڈ ان کی پہلی فلم ’مین گرلز‘ کے حوالے سے ملے۔ ان میں ایک بطور بہترین نئی اداکارہ اور دوسرا ایوارڈ ’مین گرلز‘ کے تمام اداکاروں کے ساتھ دیا گیا۔

انہیں تیسرا ایوارڈ فلم ’نوٹ بک‘ میں بہترین بوسے پر دیا گیا۔ ایم ٹی وی فلم ایوارڈ کا فیصلہ ناظرین کے ووٹ پر ہوتا۔

ایم ٹی وی فلم ایوارڈ نے بہترین فلم کا ایوارڈ اینڈی کی فلم ’نپولیین ڈائنا مائیٹ‘ نے حاصل کیا۔

بہترین اداکار کا ایوارڈ لیونارڈو ڈی کیپری نے حاصل کیا جبکہ لنڈسے لوہن اس سال کی بہترین اداکارہ قرار دی گئیں۔

ایم ٹی وی فلم ایوارڈ کی اس تقریب میں 1980 میں نوجونوں کی کامیاب ترین فلم ’دی بریک فاسٹ کلب‘ کے اداکاروں کو بھی بلایا گیا تھا۔

ان تمام اداکاروں کو جن میں مولی رنگوالڈ، شیڈی اور انتھونی مائیکل ہال کو ایک راک بینڈ کے ہمراہ سٹیج پر آنے کی دعوت دی۔

اداکارہ ریچل ایڈمز نے تین ایم ٹی وی ایوارڈ حاصل کیے

ٹام کروز نے ناظرین کا شکریہ ادا کرتے ہوا کہا کہ وہ اس بات پر بے حد خوش ہیں کہ ناظرین ان کی اداکاری سے لطف اندوز ہوئے ہیں۔

بچوں میں بہترین ایوارڈ حاصل کرنے والی ڈاکوتا فینگ کو یہ ایوارڈ ان کے ڈروانے کردار کی وجہ سے فلم ’ہائیڈ ایڈ سیک‘ میں ملا۔

ڈاکوتا فانگ جلد آنے والی فلم’ وار آف دی ورلڈز‘ میں ٹام کروز کے ساتھ کام کر رہی ہیں۔

ایم ٹی وی فلم ایوارڈ کا بہترین مزاح کا ایوارڈ حاصل کرنے ہالی وڈ کے مشہور اداکار ڈسٹن ہوفمین تھے۔