آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
’انڈین کامیڈی کنگ‘ کپل شرما نے گنی چترتھ سے شادی کر لی
- مصنف, سوپریا سوگلے
- عہدہ, بی بی سی ہندی
انڈین ٹیلیوژن پر ’کامیڈی نائٹز ود کپل‘ اور ’دا کپل شرما شو‘ کے ذریعہ دنیا بھر میں اپنے مداحوں کے دل میں اترنے والے کپل شرما نے کل شادی کر لی۔ ان کی شادی اور اس سے پہلے کی رسومات کی تصاویر سوشل میڈیا پر شیئر کی جا رہی ہیں۔
ایک طویل عرصے تک ٹی وی سے دور رہنے کے بعد کپل دوبارہ اپنی شادی کی وجہ سے خبروں میں ہیں۔
یہ بھی پڑھیے
رواں برس 17 نومبر کو کپل شرما نے گنی چترتھ کی سالگرہ کے دن ان کی تصویر شیئر کی تھی اور ہر حال میں ان کے ساتھ کھڑے رہنے کے لیے گنی کا شکریہ بھی ادا کیا تھا۔ کپل شرما جلد ہی اپنے کامیڈی شو کے ساتھ چھوٹے پردے پر واپس بھی آ رہے ہیں۔
پہلی ملاقات
گنی چترتھ کا اصل نام بھونیت چترتھ ہے۔ انہیں پیار سے گنی بلایا جاتا ہے۔ ان کا تعلق انڈین ریاست پنجاب کے جلندھر شہر سے ہے۔
کپل شرما اور گنی کی پہلی ملاقات سنہ 2005 میں ہوئی تھی۔ اس وقت کپل کی عمر 24 اور گنی کی عمر 19 برس تھی۔
ایک اخبار کو دیے جانے والے انٹرویو میں کپل نے بتایا کہ ان دنوں وہ تھئیٹر کے شوز کی ہدایت کاری کیا کرتے تھے۔ اسی لیے وہ مختلف کالجوں میں جا کر طالب علموں کا آڈیشن لیا کرتے تھے۔
End of سب سے زیادہ پڑھی جانے والی
کپل کے لیے گھر سے کھانا
انہیں آڈیشنز کے دوران کپل کی ملاقات گنی سے ہوئی۔ گنی نے کپل کے ساتھ ان کے ڈرامے میں کام بھی کیا۔ ان دنوں گنی ان کے لیے گھر سے کھانا لایا کرتی تھیں۔
گنی بھی اداکارہ بننے کے خواب دیکھتی تھیں۔ سنہ 2009 میں انہوں نے ٹی وی پر سٹینڈ اپ کامیڈی کے پروگرام ’ہنس بلیے‘ میں حصہ لیا۔ اس شو میں کپل شرما بھی شامل تھے۔
یہ بھی پڑھیے
اس شو کے بعد گنی کو پنجابی فلم اور پنجابی ٹی وی ڈراموں کے لیے آفر آنے لگے۔ لیکن انہوں نے ایکٹنگ سے دور رہنے کا فیصلہ کیا۔
فائنینس میں ایم بی اے کرنے والی گنی آخرکار اپنے والد کے کاروبار میں ان کا ہاتھ بنٹانے لگیں۔ گنی کی ایک چوٹی بہن بھی ہے۔
یہ بھی پڑھیے
جب کپل پہلی بار گنی کے گھر ان کا رشتہ مانگنے گئے تو گنی کے والد نے انکار کر دیا تھا۔
دسمبر سنہ 2016 میں کپل نے گنی سے فون پر ایک بار پھر کہا کہ وہ ان سے شادی کرنا چاہتے ہیں۔ اس بار سب کچھ کپل کی مرضی کے مطابق ہوا۔
مارچ 2017 میں کپل نے اپنے مداحوں سے ٹوئیٹر پر گنی کو اپنی ’شریک حیات‘ کہہ کر متعرف کروایا۔
کپل اور گنی نے گذشتہ روز جلندھر میں شادی کر لی۔ فی الحال دونوں کہیں ہنی مون کے لیے نہیں جا رہے ہیں۔ کپل شرما جلد ہی اپنے شو کے ساتھ ٹی وی پر واپسی کر رہے ہیں اور وہ اس کی تیاری میں مصروف ہیں۔
شادی کے ساتھ زندگی کی نئی شروعات کے علاوہ کپل کریئر میں بھی نئی تیاری کے ساتھ قدم رکھنے جا رہے ہیں۔
