آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
انسٹاگرام پر پرینکا چوپڑہ اور نک جوناس کی شادی کے چرچے: ’میری آنکھوں میں آنسو تھے اور میں ان کو روک نہیں پا رہی تھی‘
انڈین بالی وڈ اداکارہ پرینکا چوپڑہ نے کہا کہ جب گلوکار نک جوناس نے گذشتہ گرمیوں میں شادی کے لیے انھیں پروپوز کیا تو انھیں معلوم تھا کہ ان کی شادی میں نہ صرف ان دونوں کا ملاپ ہوگا بلکہ مختلف تہذیب و ثقافت، مذہب اور خاندانوں کا بھی اختلاط و ارتباط ہوگا۔
چھتیس سالہ پرینکا چوپڑہ نے کہا کہ 'ہر لڑکی اپنی شادی پر شہزادی بننے کا خواب دیکھتی ہے، لیکن میرا شادی کے متعلق کوئی منصوبہ نہیں تھا کہ میں کیا بننا چاہتی ہوں۔'
پرینکا چوپڑہ اور نک جوناس کی شادی راجستھان کے شہر جودھ پور میں ہوئی۔ سنیچر کو ان کی شادی مسیحی رسم و رواج کے مطابق ہوئی اور اتوار کے دن ہندو رسم و رواج کے مطابق۔
پرینکا نے کہا کہ جب 26 سالہ گلوکار نک جوناس نے کہا کہ وہ دونوں کے مختلف پس منظر کا جشن منانے کے لیے ایک کی بجائے شادی کی دو تقاریب انڈیا میں منعقد کرنے کا بڑا منصوبہ رکھتے ہیں 'تو میرا دل بھر آیا۔'
یکم دسمبر کو ان کی مہندی کی تقریب ہوئی جس میں حنا سے انھوں نے ٹیٹوز بنوائے اور اسی رات سنگیت کا پروگرام بھی منعقد ہوا۔
پرینکا کہتی ہیں کہ جب شادی کا گاؤن پہن کر نکلی تو 'میری آنکھوں میں آنسو تھے اور میں ان کو روک نہیں پا رہی تھی۔ میرا خیال ہے کہ میں نروس اور ڈری ہوئی تھی لیکن جوں ہی پردہ اٹھا اور میں نے ان کا چہرہ دیکھا تو سب کچھ ٹھیک ہو گیا اور میں سمجھ گئی کہ میں نے اپنی زندگی کا بہترین فیصلہ کیا ہے۔'
End of سب سے زیادہ پڑھی جانے والی
جبکہ نک جوناس نے بتایا کہ وہ تقریب کے دوران فرط جذبات سے مغلوب تھے اور شاید مغربی طرز کی تقاریب کے دوران زیادہ ہی مغلوب تھے۔
انھوں نے پیپل میگزین کو بتایا: 'آپ اس لمحے کے بارے میں ساری زندگی سوچتے ہیں۔ ایمانداری سے کہتا ہوں کہ میں نے کبھی ایسا نہیں سوچا تھا جتنا اچھا ہوا۔ یہ بہت جذباتی تھا۔'
اس کے بعد اتوار کو ہندو رسم و رواج سے ان کی شادی ہوئی۔ پرینکا نے کہا 'ہماری شادی مذہبی مرکب تھی اور یہ بات مجھے بہت پسند آئی۔'
سوشل میڈیا پر پرمزاح کمنٹس
سماجی رابطے کی سائٹس پر لوگوں نے پرینکا کی شادی پر جہاں انھیں مبارکباد دی ہے، وہیں بہت سے لوگ ان کے شادی کے جوڑے سے بھی متاثر نظر آئے ہیں۔
پرینکا کے مغربی انداز کی شادی کے جوڑے میں دوپٹہ 75 فٹ لمبا تھا اور لوگ ان کے جوڑے پر اپنے مزاح کو پر لگا رہے تھے۔
ایک شخص نے لکھا: 'پرینکا کا دوپٹہ ہمارے مستقبل سے بڑا اور چمکیلا تھا' تو دوسرے نے کہا کہ 'یہ ہماری رہائش سے بڑا ہے، اس کا کرایہ کتنا ہے۔' جبکہ وندیتا نامی ہینڈل نے لکھا میری خواہش ہے کہ میں پرینکا چوپڑہ کے 75 فٹ کے دوپٹے کی طرح دراز ہو جاؤں۔
کسی نے ان کا مقابلہ میگھن مارکل کے 16 فٹ دراز دوپٹے سے کیا۔
امیلی نے لکھا: 'میگھن مارکل: 'میری شادی کا دوپٹہ 16 فٹ لمبا تھا'
پرینکا: 'میرے کان کی بالیاں تھامو'
استقبالیہ میں انڈین وزیر اعظم کی شرکت پر مزاح
گذشتہ روز دہلی کے تاج پیلس ہوٹل میں پرینکا کی شادی کا استقبالیہ رکھا گيا تھا جس میں وزیر اعظم نریندر مودی نے بھی شرکت کیا۔
اس کے متعلق بھی سوشل میڈیا میں مختلف مزاج کے کمنٹس نظر آئے۔
ڈیپ سی لائنس نامی ایک ٹوئٹر ہینڈل نے لکھا: 'میرے وزیر اعظم کبھی چھٹی نہیں لیتے۔ شادی میں ان کی موجودگی کی فوٹوشاپنگ کرکے تصویر لگانا بند کریں۔'
جبکہ ایک نے لکھا: 'وزیر اعظم کو کوئی کام نہیں ہے۔'
ایک ٹوئٹر صارف نے لکھا: مبارک ہو پرینکا، مجھے حیرت ہے کہ زیادہ تر بالی وڈ کے لوگوں نے آپ کو مبارکباد نہیں دی، آپ کو اس دنیا کی تمام خوشیاں حاصل ہوں۔
خیال رہے کہ تقریبا دو ہفتے قبل اداکارہ دیپکا پاڈوکون اور رنویر سنگھ کی شادی ہوئی تھی جس میں بالی وڈ کے تقریبا تمام بڑے سٹارز نے شرکت کی تھی۔ اس حوالے سے بھی انڈیا میں خبریں شائع ہوئی ہیں کہ وزیر اعظم نریندر مودی دونوں جوڑوں کو ایک ہی تحفہ بھیجا ہے۔
پرینکا اور نک کی شادی کی دیگر تصاویر
۔
