آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
’مستقبل کی مسز جونس‘: پرینکا چوپڑہ اور نِک جوناس نے منگنی کا اعلان کر دیا
امریکی گلوکار نک جوناس اور بالی وڈ کی معروف اداکارہ پرینکا چوپڑہ نے چند ماہ ملنے کے بعد ہفتے کو اپنی منگنی کی تصدیق کر دی ہے۔
دونوں نے اپنی منگنی کی تصویر شیئر کی ہے۔ ان کی منگنی ممبئی میں ہوئی۔
یاد رہے کہ ان دونوں کی منگنی کی افواہیں تین ہفتے سے گردش کر رہی تھیں تاہم اس جوڑے نے منگنی ہونے کی تصدیق نہیں کی تھی۔
پرینکا اور جوناس نے اپنے اپنے انسٹاگرام پر ایک جیسی تصاویر شیئر کی ہیں اور جونز نے پرینکا کو ’مستقبل کی مسز جوناس‘ کہا ہے۔
پرینکا چوپڑہ سنہ 2000 میں مس ورلڈ بنی تھیں اور اس کے بعد سے انھوں نے 50 سے زیادہ بالی وڈ فلموں میں کام کیا ہے۔ انھوں نے امیتابھ بچن، شاہ رخ خان اور سلمان خان جیسے سپر سٹارز کے ساتھ فلموں میں کام کیا ہے۔
ان کو بہت سے ایوارڈز سے نوازا گیا اور ان کا شمار بالی وڈ کی مہنگی ترین اداکاراؤں میں ہوتا ہے۔
End of سب سے زیادہ پڑھی جانے والی
ٹائم میگزین نے دو سال قبل ان کو 100 با اثر شخصیات میں شامل کیا تھا۔
وہ امریکہ میں ٹی وی سیریز کوائنٹکو میں کام کر چکی ہیں اور وینٹی لیٹر، بے واچ، اے کِڈ لائک جیک نامی فلموں میں بھی انھوں نے کام کیا ہے۔
