بالی وڈ کی سپر سٹار اداکارہ سری دیوی دل کا دورہ پڑنے سے انتقال کر گئیں
،تصویر کا ذریعہAFP/GETTY IMAGES
بالی وڈ کی سپر سٹار اداکارہ سری دیوی سنیچر کی رات دبئی میں حرکت قلب بند ہونے کے باعث 54 برس کی عمر میں انتقال کر گئی ہیں۔
ان کے خاندان کے مطابق اداکارہ سری دیوی اپنے شوہر بونی کپور اور بیٹی خوشی کے ساتھ شادی کی تقریب میں شرکت کے لیے دبئی میں موجود تھیں۔
سری دیوی 13 اگست سنہ 1963 میں تمل ناڈو میں پیدا ہوئیں اور سنہ 1978 میں اپنے فلمی کریئر کا آغاز فلم ’سولہواں ساون‘ سے کیا۔ حال ہی میں ریلیز ہونے والی 'مام' ان کی 300 ویں فلم تھی۔
سری دیوی کے بارے میں مزید پڑھیے
End of سب سے زیادہ پڑھی جانے والی
،تصویر کا ذریعہMR JAYAKUMAR
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 1
انڈیا کے وزیر اعظم نریندر مودی نے سری دیوی کی موت پر ٹویٹ کیا: 'معروف اداکارہ سری دیوی کی بے وقت موت پر افسردہ ہوں۔ وہ فلم انڈسٹری کی بڑی اداکارہ تھیں اور اپنے لمبے فلمی کريئر میں انھوں نے مختلف اور یادگار کرادار ادا کیے۔ اس غم کے موقعے پر میں ان کے اہل خانہ کے غم میں شریک ہوں۔ ان کی روح کو سکون ملے۔'
لندن کے ميئر صادق خان نے سری دیوی کو خراج عقیدت پیش کرتے ہوئے لکھا: 'انڈیا کے حالیہ دورے پر بالی وڈ کی ائیکون سری دیوی سے ملاقات بہت پرلطف تھی۔ ایسی باصلاحیت اداکارہ، فنکارہ اور فلم ساز کی موت کی خبر سن کر افسوس ہوا۔'
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 2
سری دیوی نے فلم پروڈیوسر بونی کپور سے سنہ 1996 میں شادی کی تھی اور ان کی خوشی اور جھانوی کپور دو بیٹیاں ہیں۔
ان کی مشہور ترین فلموں میں ’چاندنی‘، ’لمحے‘، ’مسٹر انڈیا‘، ’خدا گواہ‘ ’صدمہ‘ اور ’نگینہ‘ شامل ہیں۔
انھوں نے ہندی فلموں کے علاوہ تمل، تلیگو، ملیالم، اور کنٹر فلموں میں بھی کام کیا۔
،تصویر کا ذریعہTWITTER @SRIDEVIBKAPOOR
سری دیوی کو 2013 میں حکومت کی جانب سے پدماشری اعزاز سے بھی نوازا گیا تھا۔ اس کے علاوہ وہ پانچ بار فلم فیئر ایوارڈ بھی حاصل کر چکی ہیں۔
انھوں نے جب 90 کی دہائی میں اپنے فلمی کریئر کو الودع کہا تھا تو اس وقت ان کی فلمیں اچھی طرح سے نہیں چل رہی تھیں۔ لیکن اس طویل وقفے کے بعد جب وہ واپس آئیں تو اپنی اداکاری سے ایک بار پھر سے ہنگامہ مچا دیا تھا۔
سری دیوی نے اپنے فلمی کریئر میں برسات میں فلمائے گئے نغموں سے کئی بار دھوم مچائی اور شہرت کی بلندیوں پر پہنچیں۔
فلم 'چاندنی' کا گيت 'لگی آج ساون کی پھر وہ جھڑی ہے'، فلم 'چال باز' میں 'نہ جانے کہاں سے آئی ہے' اور 'مسٹر انڈیا' میں 'کاٹے نہیں کٹتے' جیسے گانے بہت مقبول رہے ہیں۔
ان کے انتقال کی خبر آتے ہی سماجی رابطے کی ویب سائٹ پر بڑی تعداد میں اداکاروں اور دیگر شخصیات کی جانب سے تعزیتی پیغامات آنا شروع ہو گئے اور انڈیا میں Sridevi# ٹرینڈ کرنے لگا۔
اداکارہ پرینکا چوپڑا نے لکھا: ’میرے پاس الفاظ نہیں ہیں، ان سب سے تعزیت جو سری دیوی کو چاہتے تھے، یہ سیاہ دن ہے۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 3
بالی وڈ اداکار رتیش دیش مکھ نے ٹوئٹر پر لکھا: ’بری خبر، میں جس صدمےمیں ہوں بیان نہیں کر سکتا، سری دیوی جی نہیں رہیں۔‘
،تصویر کا ذریعہTWITTER
فلم فیئر کے آفیشل اکاؤنٹ سے اس خبر کی تصدیق کی گئی اور لکھا گیا: ’سری دیوی نہیں رہیں۔ ان کا دبئی میں حرکت قلب بند ہونے سے انتقال ہوا۔‘
ہدایت کار اور اداکار جاوید جعفری کا کہنا تھا ’حیران اور صدمے میں ہوں۔ زبردست ٹیلنٹ اور میری پسندیدہ پرفارمر انتقال کر گئیں۔ صنعت کا بڑا نقصان ہے، آپ کو بہت یاد کریں گے۔‘
ان کے علاوہ اداکارہ جیکلین فرنینڈس کا کہنا تھا: ’بے شک وہ ایک آئکون تھیں، بہت جلدی چلی گئیں، بہت جلدی۔‘
کامینٹیٹر ہرشا بھوگلے نے کہا: ’انھوں نے اپنے انداز میں سکرین کو منور کیا، یہ ان کے جانے کی عمر نہیں تھی۔‘
،تصویر کا ذریعہTWITTER
اپنی مزاحیہ اداکاری کے لیے مشہور معروف انڈین اداکار جانی لیور نے اس موقعے پر کہا: ’سری دیوی جی کے بارے میں سن کر انتہائی غمگین اور صدمےمیں ہوں۔ میری ان کے خاندان کے لیے دعائیں اور تعزیت ہے۔‘
