آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
بلغاریہ کا سرکاری ریڈیو 72 سال پرانی موسیقی چلانے پر مجبور
کاپی رائٹس حقوق کی فیس نہ دینے کی وجہ سے بلغاریہ کے سرکاری ریڈیو پر لاکھوں کی تعداد میں نئے گانوں کے چلانے پر پابندی لگا دی گئی ہے۔
خبر رساں ادارے نوینائٹ کے مطابق اس سال جنوری کی پہلی تاریخ سے بلغارین نیشنل ریڈیو (بی این آر) اپنی نشریات میں کلاسیکی موسیقی، جاز اور روایتی موسیقی کا استعمال کر رہا ہے۔ اس کی وجہ ہے بی این آر کا کاپی رائٹس کے اوپر میوزیکیوٹر کمپنی سے جھگڑا۔
اس کمپنی کے پاس مقامی اور دنیا بھر سے ایک کروڑ چالیس لاکھ سے زائد گانوں کے حقوق ہیں۔
حتیٰ کہ ملک کے قومی ترانے کا روایتی ورژن بھی سرکاری ریڈیو پر حقوق نہ ہونے کی وجہ سے نہیں چل سکتا۔
خبر رساں ادارے بلکان انسائٹس کے مطابق اس تنازع کے باعث بی این آر صرف وہ موسیقی استعمال کر سکتا ہے جو کہ 1945 تک بنائی گئی ہوں۔
اس تنازع کی وجہ میوزیکیوٹر کمپنی کا بی این آر سے روئلٹی میں موجودہ فیس کے مقابلے میں تین گنا اضافہ ہے لیکن سرکاری ریڈیو کے ڈائرکٹر ایلکزانڈر ولیو کے مطابق اتنی بڑی رقم ادا کرنا ممکن نہیں ہے جب تک کہ ان کو سرکار سے مزید سرمایہ نہ ملے یا وہ مقامی نشریات کے پروگرام ختم کر دیں، جو کے سرکاری ریڈیو کی ساکھ کو بری طرح متاثر کرے گا۔
کچھ موسیقاروں نے بی این آر کی حمایت میں آواز بلند کی ہے جن میں سے بلغاریہ کے ایک مشہور راک بینڈ سگنل کے گلوکار دانچو کارادجو شامل ہیں جنہوں نے اپنی نئی البم کو بی این آر پر مفت چلانے کی اجازت دے دی ہے۔
سرکاری ریڈیو اور میوزیکیوٹر کمپنی پیر کو اس معاملے کو حل کرنے کے لیے ملاقات کریں گے۔
End of سب سے زیادہ پڑھی جانے والی
تب تک سامعین کو برسوں پرانی موسیقی سے ہی محظوظ ہونا پڑے گا۔
