آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
میسی نے انسٹاگرام پر رونالڈو اور ’انڈے کی تصویر‘ کے علاوہ اور کس کو پیچھے چھوڑا
اگر آپ کچھ دیر کے لیے اپنی آنکھیں بند کریں اور انسٹاگرام پر چلنے والے ٹرینڈز اور سب سے زیادہ فالو کیے جانے والے اکاؤنٹس کے بارے میں سوچیں تو یقیناً آپ کے ذہن میں ہالی وڈ کے چند اداکاروں، ریئلٹی شوز کی سیلیبریٹیز اور سوشل انفلوئنسرز آئیں گے۔
اس بارے میں دوبارہ ذہن پر زور ڈالیں کیونکہ اب تک سوشل پلیٹ فارم پر سب سے زیادہ لائیک کی گئی پوسٹس پر فٹبال کھلاڑیوں کی اجارہ داری قائم ہو گئی ہے۔
یہ ایک ایسا شعبہ ہے جس میں آرجنٹینا کے سٹار لیونل میسی بلاشبہ دنیا میں سب سے بہترین ہیں (کم از کم اس وقت)۔ وکی پیڈیا کی جانب سے جاری کی گئی تازہ ترین درجہ بندی کے مطابق انسٹاگرام پر 10 سب سے زیادہ لائیک کی گئی پوسٹس میں سے پانچ فٹبال ورلڈکپ 2022 کے چیمپیئن میسی نے پوسٹ کی تھیں اور ان میں سے زیادہ تر قطر ورلڈکپ کے دوران پوسٹ کی گئی تھیں۔
اگر آپ اس فہرست کا گہرائی میں جائزہ لیں تو 20 سب سے زیادہ لائیک کی گئی انسٹاگرام پوسٹس میں سے میسی کی آٹھ پوسٹس ہیں۔ پرتگال کے کھلاڑی کرسٹیانو رونالڈو یقیناً اس حوالے سے خود کو دوسرے نمبر پر دیکھ کر مایوس ہوں گے کیونکہ ان کی اس فہرست میں صرف تین پوسٹس ہیں۔
اداکار اور میڈیا کی شخصیات جیسے آریانا گرانڈے، زینڈایا، کائلی جینر، ٹام ہالینڈ اور بلی ایلش بھی اس فہرست کا حصہ ہیں۔
آرجنٹینا کے ورلڈکپ جیتنے پر میسی کی جانب سے 18 دسمبر، اتوار کو ان تاریخی لمحات کی تصویری جھلکیاں پوسٹ کی گئیں۔ یہ پوسٹ اب انسٹاگرام کی تاریخ میں سب سے زیادہ لائیک کی گئی پوسٹ بن چکی ہے۔
ان کی اس پوسٹ کو اب تک سات کروڑ افراد لائیک کر چکے ہیں اس سے قبل جس تصویر کو سب سے زیادہ لائیک کیا گیا تھا وہ ایک انڈے کی تصویر تھی۔ اسے پانچ کروڑ 80 لاکھ افراد نے لائیک کیا تھا۔
آئیے آپ کو اب تک کی سب سے زیادہ لائیک کی گئی انسٹاگرام پوسٹس دکھاتے ہیں۔
End of سب سے زیادہ پڑھی جانے والی
20۔ بلی ایلش کے بلانڈ ہونے کی تصویر (مارچ 17، 2021)
19۔ میسی کی آرجنٹینا کے نیدرلینڈز کو ہرانے کے بعد کی گئی پوسٹ ( دسمبر 17، 2022)
18۔ ورلڈکپ فائنل میچ سے قبل میسی اور ایڈیڈاس کی جانب سے کی گئی مشترکہ پوسٹ (دسمبر 17، 2022)
17۔ برازیل کے نیمار جو ورلڈکپ میں شکست کے بعد ’ذہنی طور پر تباہ‘ ہونے کی بات کر رہے ہیں (دسمبر 10، 2022)
16۔ کائیلی جینر کے نوزائیدہ بچے کا ہاتھ (فروری 7، 2022)
15۔ میسی کا میکسیکو کے خلاف فتح کے بعد جشن (نومبر 26، 2022)
14۔ ٹام ہالینڈ، ٹوبی میگوائر اور اینڈریو گارفیلڈ (فروری 23، 2022)
13۔ کائیلی جینر کا حاملہ ہونے کا اعلان (ستمبر آٹھ، 2021)
12۔ زینڈایا ٹام ہالینڈ کی سالگرہ مناتے ہوئے (یکم جون، 2022)
11۔ آریانا گرانڈے کی شادی (26 مئی 2021)
10۔ میسی کی کروشیا کے خلاف فتح حاصل کرنے کے بعد پوسٹ (دسمبر 14، 2022)
9۔ ایکس ایکس ایکس ٹینٹیشن کی موت سے پہلے آخری پوسٹ (مئی 20، 2018)
کرسٹیانو رونالڈو: ’ورلڈکپ کا خواب ادھورا رہ گیا‘ (دسمبر 11، 2022)
7۔ میسی اور رونالڈو لوئی وٹان کے اشتہار کے لیے آپس میں شطرنج کھیلتے ہوئے (نومبر 19، 2022)
یہ بھی پڑھیے
