خوش آمدید 2025: نئے سال کی آمد پر دنیا بھر میں جشن کی تصویری جھلکیاں

دنیا بھر میں سال نو کا استقبال جوش و خروش کے ساتھ کیا جا رہا ہے۔ کہیں آتش بازی اور لائٹ شو تو کہیں لوگوں نے عوامی مقامات پر جمع ہو کر 2025 کا استقبال کیا۔

دنیا بھر سے ان تقریبات کی چند تصاویر۔۔۔

آسٹریلیا کے شہر سڈنی میں نئے سال کی تقریبات کے دوران سڈنی اوپیرا ہاؤس اور ہاربر برج پر آتش بازی کی گئی۔

ترکی کے شہر استنبول میں نئے سال کا جشن منانے کے لیے لوگ سجے ہوئے درختوں کے گرد جمع ہیں اور موسیقاروں کی پرفارمنس سے لطف اندوز ہو رہے ہیں۔

استنبول کے تکسیم سکوائر اور استقلال ایونیو پر بھی جشن منانے والوں کا ہجوم دیکھا جا سکتا ہے جہاں ایک ٹرام بھیڑ کے درمیان سے گزر رہی ہے۔

تھائی لینڈ کے شہر بنکاک میں نئے سال کا جشن منانے کے لیے تھائی باشندے بڑی تعداد میں دریائے چاؤ فرایا کے کنارے پہنچے جہاں آتش بازی کی جا رہی ہے۔

بنکاک کے واٹ پاتھم وانارام مندر میں نئے سال کو خوش آمدید کہنے کے لیے ایک دعائیہ تقریب منعقد کی جا رہی ہے۔

ابوظہبی میں نئے سال کا جشن منانے کے لیے شیخ زید ہیریٹیج فیسٹیول میں آتش بازی اور ڈرون شو منعقد کیا جا رہا ہے۔

انڈونیشیا میں مشرقی جاوا کے شہر سورابایا کے سٹی ہال میں کئی خاندان نئے سال کا جشن منانے کے لیے جمع ہیں۔

ملائیشیا کے شہر کوالالمپور میں 2025 کے آغاز کے موقع پر ہونے والی آتش بازی کے دلکش مناظر۔

روس کے شہر ماسکو میں نئے سال کے موقع پر شہری کریملن کے قریب واقع ریڈ سکوائر پر سکیٹنگ کر رہے ہیں۔

انڈیا کے شہر ممبئی میں نئے سال کے موقع پر سمندر کنارے چہل قدمی کے علاوہ تصویریں بنوانے والوں کا ہجوم۔

چین کے شہر بیجنگ کے شوگنگ پارک میں نئے سال 2025 کی الٹی گنتی گننے کے بعد شرکا جشن منا رہے ہیں۔