پی ایس ایل میں رضوان کی پہلی سنچری:’اگر آپ رضوان سے نفرت کرتے ہیں تو آپ نے ایک دکھی زندگی جینے کا فیصلہ کر لیا ہے‘

ملتان سلطانز نے کراچی کنگز کو تین رنز سے ہرا کر اپنی فتوحات کے سلسلے کو مزید آگے بڑھایا ہے۔ اب یہ کیسے ممکن ہے کہ اب محمد رضوان سب کی نظروں میں نہ آئیں۔ کراچی کنگز سے جس طرح آخری اوور میں ملتان سلطانز نے فتح چھینی ہے اس سے پھر سوشل میڈیا پر رضوان کی کپتانی اور کارکردگی کی تعریفوں کے پُل باندھ دیے۔

ملتان سلطانز کی طرف سے کھیلتے ہوئے پی ایس ایل میں اپنی پہلی سنچری مکمل کی۔

انھوں نے 64 گیندوں پر 4 چھکوں اور 10 چوکوں کی مدد سے 110 رنز سکور کیے جس کی بدولت ان کی ٹیم نے کراچی کنگز کو 197 رنز کا ٹارگٹ دیا۔ کراچی کنگز کو آخری بال پر پانچ رنز درکار تھے مگر پھر ملتان سلطانز نے مضبوط اعصاب سے یہ میچ اپنے نام کر دیا۔

ابھی کراچی کنگز کی اننگز جاری ہے اور محمد رضوان کا نام پاکستان میں ٹوئٹر پر ٹرینڈ کر رہا ہے۔

کرکٹ تجزیہ کار مظہر ارشد نے ٹویٹ کیا کہ محمد رضوان کو 50 سے 100 تک پہنچنے میں صرف 18 گیندیں لگیں۔

کشف نامی صارف کے مطابق ’اگر آپ رضوان سے نفرت کرتے ہیں تو آپ نے ایک دکھی زندگی جینے کا فیصلہ کیا ہے‘۔

کرکٹ تجزیہ کار عامر ملک نے کہا کہ ’رضوان کو پاکستان ٹی ٹوئنٹی ٹیم سے نکالنے کے حق میں بولنے والوں کو ان پر تنقید کرنے سے پہلے دو بار سوچنا چاہیے کیوں کہ وہ آپ کو غلط ثابت کر دیں گے، جو کہ وہ اکثر کرتے ہیں۔‘

فرید خان کا کہنا ہے کہ ’پاکستان کرکٹ خوش قسمت ہے کہ اس کے پاس محمد رضوان جیسا کھلاڑی ہے‘۔