ኢትዮጵያ፡ ሃገራዊ መረጻ ዝካየደሉ መዓልቲ ተናዊሑ

10 ነሓሰ 2012 ዓ.ም ክካይድ ተባሂሉ ብጊዝያዊነት መደብ ተታሒዝዎ ዝነበረ ሃገራዊ ምርጫ ኢትዮጵያ ናብ መወዳእታ ወርሒ ነሓሰ ከም ዝተናውሐ፡ ቦርድ መረጻ ገሊጹ።

ቦርድ መረጻ ኢትዮጵያ ሎሚ ዓርቢ ከም ዝገለጾ፡ እቲ ድምጺ ዝወሃበሉ መዓልቲ 23 ነሓሰ 2012 ዓ.ም ክኸውን ተወሲኑ ኣሎ።

ቅድም ክብል እቲ ቦርድ መረጻ ዝወሰኖ ግዘ፡እዋን ክረምቲ እዩ ብዝብል ብዙሓት ወገናት ተቓዊሞምዎ ነይሮም።

እቲ መረጻ ብ13 መዓልቲታት ክናዋሕ ዝተገበረሉ ምኽንያት 'ውን ካብ መወዳእታ ወርሒ ነሓሰ ካብ መፋርቕ ነሓሰ ዝሓሸ ዝነከየ ዝናብ ክህሉ ይኽእል እዩ ብዝብል ከም ዝኾነ ተገሊጹ ኣሎ።

በቲ ሐዚ ወጺኡ ዘሎ ሰሌዳ ግዘ፡ ናይ ክልላት መረጻ ካርታ መጋቢት 01/2012 ዕላዊ ዝግበር ኮይኑ፡ ዝርዝር ጣብያታት መረጻ ድማ መጋቢት 28 ዕላዊ ክግበሩ እዮም።

ሚያዝያ 14 ክሳብ ግንቦት 23 ናይ መረጽቲ ምዝገባ ዝካየደሉ እዋን እንትኾን፡ ኣብቲ መረጻ ናይ ዝወዳደሩ ሕጹያት ምዝገባ ድማ ካብ ግንቦት 05 ክሳብ ግንቦት 19 ከምዝካየድ ተገሊጹ ኣሎ።

ብተወሳኺ

እቲ ሐዚ ወጺኡ ዘሎ ሰሌዳ ግዘ ናይ መወዳእታ ይኹን ወይ ምምሕያሽ ክግበሮ ዝኽእል ምዃኑ ግን ዝተገለጸ ነገር የለን።