ዩጋንዳዊ ደራፋይ ቦቢ ዋይን ንፕረዚደንትነት ክወዳደር እዩ

ኣባል ባይቶ ዩጋንዳዊ ደራፋይ ቦቢ ዋይን ንፕረዚደንትነት ክወዳደር ሙኳኑ ኣብ ኣኼባ ሰልፉ ብወግዒ ኣፍሊጡ።

ንናይ ምረጹኒ ጎስጓስ ፕረሲደንታዊ ምርጫ 2021 ትመርሓሉ ጋንታ ውን ወግዓዊ ገይሩ ኣሎ።

ቦቢ ዋይን ኣብ መንእሰያት እታ ሃገር ረኺብዎ ዘሎ ዝና ንፕረሲደንት እታ ሃገር ዩወሪ ምሶቪኒ ሓያላ ብድሆ ከም ዝኾኖ ይግመት።

ወዲ 74 ምሶቪኒ ንሻድሻይ ግዚኡ ክወዳደር ትጽቢት ይግበር።

ሓቀኛ ስሙ ሮበርት ክያጉላኒ ዝኾነ ቦቢ፡ ዝሓለፈ ዓመት ናብ ቃፍላይ ፕረሲደንት እታ ሃገር ድሕሪ ዝተሰንደወ ደናጉላ ኣብ ትሕቲ ቀይዲ ኣትዩ ምንባሩ ዝዝከር ኮይኑ፡ ናይ ክሕደት ሃገር ክሲ ኢዩ ተመስሪትሉ ዘሎ።

ኣብ ቤት ማእሰርቲ ከሎ ግፍዒን ማህረምትን ከም ዘጋጠሞ ዝኸስስ ቦቢ፡ ብሰበስልጣን እታ ሃገር ግን ተነጺጉ ኢዩ።