100 መዓልታት ስራሕ ቀዳማይ ሚኒስትር ኣብዪ ኣሕመድ

2018

• ኤፕሪል 2 2018, ፈላመይቲ መዓልቲ 1 ኣብ ስራሕ

  

  እቲ ቀዳማይ ሚኒስትር ኣቦ መንበር ኢህወደግ ኮይኑ ድሕሪ ምምራጹ ናብ ባይቶ ወከልቲ ህዝቢ ቀሪቡ ቃለ መሓላ ፈጺሙ። ኣብዚ ዕለት ብዛዕባ ሓድነትን ለዉጥን ተዛሪቡ።

• ኤፕሪል 28 2018, ፈላመይቲ መዓልቲ 27 ኣብ ስራሕ

  

  ኣብ ሓጺር እዋን ናብ ከተማታት ዝተፈላለያ ክልላት ብምዝዉዋር ነበርቲ ከዘራርብ ጀሚሩ። ኣብ ከተማ ሃዋሳ ተረኺቡ ድማ ዘመን ስልጣን ቀዳማይ ሚኒስትር ካብ 10 ዓመት ከምዘይዛይድ ኣፍሊጡ።

• ኤፕሪል 29 2018, ፈላመይቲ መዓልቲ 28 ኣብ ስራሕ

  

  ፈላማይ ናይ ወጻኢ ሃገር ጉዕዝኡ ናብ ጅቡቲ እንትገብር፡ ኣብ ቑጠባዊ ምትእስሳርን ዞባዊ ሰላምን ዘትዩ። ኢትዮጵያዉያን እሱራት ድማ ካብ ጅቡቲ ኣፍቲሑ።

• ሜይ 18 2018, ፈላመይቲ መዓልቲ 28 ኣብ ስራሕ

  

  ብዜግነት ኢንግሊዛዊ ዝኾነ መራሒ ግንቦት ሸዉዓተ ኣይተ ኣንዳርጋቸዉ ጽጌ፡ ካብ ተፈሪዱዎ ዝነበረ ፍርዲ ሞት ብምሕረት ካብ ቤት ማእሰርቲ ተፈቲሑ። ኣብ ጽባሕ ዝተፈትሐሉ መዓልቲ ምስ ቀዳማይ ሚኒስትር ኣብዪ ኣሕመድ ኣብ ብሄራዊ ቤተ መንግስቲ ተራኺቡ።

• ሜይ 18 2018, ፈላመይቲ መዓልቲ 47 ኣብ ስራሕ

  

  ኣብ ስዑዲ ዓረብ ኣብ ዝነበሮ ወግዓዊ ዑደት ስራሕ ክልተ መዓልታት ኣብ ዙርያ ክልትኣዊ ጉዳያትን ዓለምለኻዊ ዛዕባታትን ምስ ልኡል መሓመድ ቢን ሰልማን ኣብዱል ዘትዩ። ኣብዚ እዋን ልዕሊ ሓደ ሽሕ ኢትዮጵያዉያን እሱራት ካብ ቤት ማእሰርቲ ስዑዲ ዓረብ ኣፍቲሑ።

• ጁን 4 2018, ፈላመይቲ መዓልቲ 64 ኣብ ስራሕ

  

  ባይቶ ወክልቲ ህዝቢ ንሽዱሽተ ኣዋርሕ ክጸንሕ ተኣዊጁ ዝነበረ ኣዋጅ ህጹጽ ግዜ ኣልዒሉ።

• ጁን 6 2018, ፈላመይቲ መዓልቲ 66 ኣብ ስራሕ

  

  ገዛኢ ግንባር ኢህወዴግ፡ ኣብ ኢድ ዋንነት መንግስቲ ዝነበሩ ትካላት ቴሌ ኮምዩኒኬሽን፣ መንገዲ ኣየርን ካልኦትን ንሰብ ሃፍቲ ዉሽጢ ዓድን ወጻእን ብኽፋል ክሽየጡ ተወሲኑ። እዚ ዉሳነ ስሉጥ ዕብየት እታ ሃገር ቀጻልነት ክህልዎ ንምግባር ኣድላዪ ኾይኑ ስለዝተረኸበ'ዩ ይብል።

• ጁን 7 2018, ፈላመይቲ መዓልቲ 67 ኣብ ስራሕ

  

  እቲ ቀዳማይ ሚኒስትር ኢታማጆር ሹም ሃገራዊ ምክልኻል ዝነበረ ሳሞራ ዮኑስ ብጀነራል ሰዓረ፣ ሓላፊ ጸጥታን ደሕንነትን ኣቶ ጌታቸዉ ኣሰፋ ድማ ብጀነራል ኣደም መሓመድ ተኪኡ።

• ጁን 9 2018, ፈላመይቲ መዓልቲ 69 ኣብ ስራሕ

  

  ቀዳማይ ሚኒስትር ኣብዪ ኣሕመድ ዝለዓለ ሜዳሊያ ኡጋንዳ ተሸሊሙ፡ ናብ ግብጺ እንተምርሕ ምስ ፕረዚደንት ዓብደልፈታሕ ኣልሲሲ ዘትዩ። ናብ ኢትዮጵያ እንትምለስ ድማ ግብጺ ዝፈትሐቶም እሱራትን ኣባላት ኣመራርሓ ኦነግን ሒዙ ተመሊሱ።

• ጁን 18 2018, ፈላመይቲ መዓልቲ 78 ኣብ ስራሕ

  

  እቲ ቀዳማይ ሚኒስትር መንግስቲ እሱራት የሳቒ ምንባሩን እዚ ከኣ ሕገ መንግስታዊ ከምዘይኾነን ገሊጹ። "ምእሳርን ምስቓይን ዘይ ሕገ መንግስታዊ'ዩ። ሽብርተኝነት እቲ ሕገ መንግስቲ ካብ ዝፈቐረዶ ንላዕሊ ኣብ ስልጣን ንምጽናሕ ዝግበር ስጉምቲ ዝሓወሰ'ዩ" ኢሉ።

• ጁን 23 2018, ፈላመይቲ መዓልቲ 83 ኣብ ስራሕ

  

  ቀዳም፡ 16 ሰነ ኣብ ኣደባባይ መስቀል ንድጋፍ ዝወጽኡ ሰልፈኛታት ብዝበጽሐ ምፍንጃር ቦንቧ ኢድ፡ ክልተ ሰባት ሞይቶም። ብድሕሪኡ ቀዳማይ ሚኒስትር ኣብዪ እቲ መጥቃዕቲ እቲ ዝነበረ ስምዒት ንምቕታል ዝተዋደደ'ዩ ክብል ገሊጹዎ።

• ጁን 26 2018, ፈላመይቲ መዓልቲ 86 ኣብ ስራሕ

  

  ኣባላት ጉጅለ ልኡኽ መንግስቲ ኤርትራ ኣብ ኣዲስ ኣበባ ብቐዳማይ ሚኒስትር ኣቀባብላ ተገይሩሎም። ክልቲኤን ሃገራት ንዝሓለፉ 20 ዓመታት ተቐራሪበን ኣይፈልጣን። ከም ሓበሬታ ሚኒስቴር ጉዳይ ወጻኢ እንተኾይኑ፡ መራሕተን ኣብ ቀረባ ክራኸቡ'ዮም።

• ጁላይ 5 2018, ፈላመይቲ መዓልቲ 97 ኣብ ስራሕ

  

  ኣባላት ባይቶ ወከልቲ ህዝቢ ኣብ ልዕሊ ፖለቲካዊ ዉዳበታት ግንባር ሓርነት ኦሮሞ (ኦነግ)፣ ግንባር ሓርነት ኦጋዴን (ኦብነግ)ን ግንቦት ሸዉዓተን ተደንጊጉ ዝነበረ ብያነ ጉጅለ ራዕዲ ኣልዒሎም።

• ጁላይ 08 2018, ፈላመይቲ መዓልቲ 98 ኣብ ስራሕ

  

  ቀዳማይ ሚኒስትር ኣብዪ ኣአሕመድ ናብ ከተማ ኣስመራ ተጓዒዙ። ፕረዚደንት ኢሳይያስ ኣፈወርቂ ኣብ ኣህጉራዊ መዕርፎ ነፈርቲ ኣስመራ ተቐቢሉዎ። ነበርቲ ከተማ ኣስመራ'ዉን ድሙቕ ኣቀባብላ ገይሮምሉ። ዒደት ቀዳማይ ሚኒስትር ኣብዪ ኣሕመድ ንዝሓለፉ ክልተ ዓሰርታት ዓመታት ሰፊኑ ዝነበረ ወጥሪ ክሃድእ በሪ ዝኸፈተን፡ ኣብ ሞንጎ እዘን ሃገራት ሰላም ምምጽኡ ዘመላኽትን'ዩ ተባሂሉ ኣሎ።