ማሕበራዊ መራኸብታትን ሞባይላትን ዝህልዎ ሳዕቤናት ከመይ ትግምትዎ?

ኣጠቃቅማ ማሕበራዊ መራኸቢታት ከም'ዉን ሞባይል ስልኪታት ብቐሊሉ እንታይ ጽልዋ ከምጽእሉና ይኽእሉ? ነዚ ሕቶ ምላሽ ንምርካብ ኣባላት ፓርላማ ኢንግሊዝ ርእይቶ ከተኣኻኽቡ ምዃኖም ተገሊፁ።

ኮሚቴ ኮመንስ ሳይንስን ቴክኖሎጀን ኣጠቃቕማ ማሕበራዊ መራኸብታትን ሞባይላትን ዘስዕብዎ ጽልዋታት ንምምርማር መንእሰያት፤ መምሃራንን ሰራሕትኛትን ርእይቶታት ክህቡ ፀዊዑ።

ኣቦ ወምበር እቲ ኮሚቴ ኖርማን ላምብ "ማሕበራዊ መራኸብታትን ሞባይል ስልክታትን ብብዝሒ ብኣናኣሽቱ ቆልዑን መንእሰያትን ይዝወተሩ" ኢሉ።

ተምሃሮ፣ መንእሰያት፣ ኢንዳስትሪታትን መንግስትን ሓሳባቶም ክህቡ ትፅቢት ከምዝግበር'ውን ሓቢሮም።

ኣቶ ላምብ ከም እቲ ኮሚቴ፡ መንእሰያት ምስ ጠለባት 'ዲጂታላዊ' ዓለም ተሳንዮም ንክኸዱ ብቖልዑት፣ ኣብያተ ትምህርትን ውዳበታት መናእሰይን ዝተወስዱ ስጉምትታት እንተነይሮም ክቐርቡሉ ይደልይ።

እቲ ፓርላማ ክቕበሎም ዝደልዮም ተወሰኽቲ ሓሳባት ድማ፡

ነዚ ዝምልከት ርእይቶታት ብፅሑፍ ከቕርቡ ዝደልዩ ካብ 3000 ፊደላት ዘይዛይድ ሰነድ ክሳብ 6 ሚያዚያ ከረክቡ ከምዘለዎም ተገሊፁ'ሎ።

ኢንስቲትዩት ፖሊሲ ትምህርቲ ኣብ 2017 ኣብ ዘውፅኦ ፀብፃብ፡ ካብቶም 15 ዓመት ዝዕድሚኦም ተምሃሮ ዓዲ እንግሊዝ እቶም 95 ሚኢታዊት ካብ ትምህርቲ ይፈደሱ ኣይፈደሱ ተጠቐምቲ ማሕበራዊ ሚድያ ክኾኑ ከለዉ፤ 9-16 ዕድመ ድማ ፍርቆም መዓልታዊ ተጠቀምቲ ዘመናዊ ተሌፎናት ከምዝኾኑ የመልክት።