ሮናልዶ ኣብ ዓለም እቲ ዝለዓለ ዝኽፈል ስፖርታዊ ተባሂሉ

ኣብዚ እዋን ምስ ስዑዳዊት ክለብ ኣልነስር ዝጻወት ዘሎ ፖርቱጋላዊ ኮኾብ ክርስቲያኖ ሮናልዶ፡ ካብ 2017 ኣትሒዙ ኣብ ዓለም ዝለዓለ ክፍሊት ዝረክብ ስፖርታዊ ከም ዝዀነ ተፈሊጡ።

ወዲ 38 ዓመት ሮናልዶ፡ ኣብ ዝሓለፉ 12 ኣዋርሕ፡ 136 ሚልዮን ዶላር ኣታዊ ከምዝረኸበ ሓበሬታ ፎርብስ የመልክት።

ሮናልዶ፡ ምስ ክለብ ኣልነስር ብዝኣተዎ ውዕል መሰረት፡ ኣብ ዓመት 200 ሚልዮን ዶላር ክኽፈል እዩ።

ኣርጀንቲናዊ ኮኾብ ዓለም ሊዮነል መሲ ኸኣ፡ 130 ሚልዮን ዶላር ዝረክብ ተባሂሉ ኣብ ካልኣይ ደረጃ፡ ኪሊያን ምባፐ ኸኣ ብ 120 ሚልዮን ዶላር ኣብ ሳልሳይ ደረጃ ተሰሪዖም ኣለዉ።

ፎርብስ ዕላዊ ኣብ ዝገበሮ መዝገብ ዝለዓለ ኣታዊ ዘለዎም 10 ቀዳሞት ስፖርታውያን፡ ኮኾብ ተጻዋቲ ኵዕሶ ሰኪዐት ለብሮን ጀምስ፡ ተጓሳጣይ ካኔሎ ኣልቫረዝ፡ ከምኡ'ውን ን 20 ግዜ ሻምፒዮን ሜዳ ተኒስ ዝዀነ ሮጀር ፌደረር፡ 9ይ ደረጃ ዝሓዘ እንኮ ጥሮተኛ ስፖርተኛ ዝኣመስሉ ይርከብዎም።

ልዑል ክፍሊት ይረኽቡ እዮም ካብ ዝበሃሉ ስፖርታውያን፡ ኣዛራቢ ብዝዀነ ዕብየት፡ ኣዝዮም ብዙሓት ሰብጸጋ ተጻወትቲ ጎልፍ ከምዘለዉ ተፈሊጡ'ሎ።

እዞም ኣብ ዝርዝር ፎርብስ ሰፊሮም ዘለዉ ዝለዓለ ኣታዊ ዝረኽቡ ዝበሃሉ ስፖርታውያን፡ ኣታዊኦም ካብ ሽልማት፡ መቝሽሽ፡ ስፖንሰርሺፕን ካልኦት ዝተፈላለዩ መገድታትን ዝረኽብዎ ዘጠቓልል እዩ።

ሰሌዳ ዝለዓለ ተኸፈልቲ ፎርብስ