ዓመተ 2022 ብስእሊ እንታይ ትመልስ?

ብውሑድ ዳታ ጽሑፍ ጥራሕ ኣንብቡ

1 ጥሪ 2023

እዚኦም፡ ኣብ ዝተፈላለያ ማዕከናት ዜና ዝሰርሑ ሰኣልቲ፡ ኣብ 2022 ዝስኣልዎም ኣዝዮም ዘደንቝ ዝተሓርዩ ኣሳእል እዮም።

እዛ ጓል ኣንስተይቲ፡ ኣብ ኔፓል ኣባል ሕብረተሰብ ኪራት እያ። ኣብ ካትማንዱ ኣብ ዝተኻየደ ፌስቲቫል ሳከላ ክኣ ባህላዊ ክዳን ተኸዲና ትልሀ ነይ — መግለጺ ስእሊ, እዛ ጓል ኣንስተይቲ፡ ኣብ ኔፓል ኣባል ሕብረተሰብ ኪራት እያ። ኣብ ካትማንዱ ኣብ ዝተኻየደ ፈስቲቫል ሳከላ ባህላዊ ክዳን ተኸዲና ትልሀ ነይራ

ኣብ ደቡብ ምብራቕ ብራዚል፡ ኣስታት 15 ሰባት ዝቐተለ ሓደጋ ውሕጅን ምህማም መሬትን ኣጋጢሙ ነይሩ። በዚ ምክንያት፡ ሩባታት መሊኦም ናብ ከተማታት ብምፍሳሶም ልዕሊ 28 ሽሕ ሰባት ካብ ቤቶም ክወጽኡ ተገዲዶም። — መግለጺ ስእሊ, ኣብ ደቡብ ምብራቕ ብራዚል፡ ኣስታት 15 ሰባት ዝቐተለ ሓደጋ ውሕጅን ምህማም መሬትን ኣጋጢሙ ነይሩ። ብሰንኪ'ዚ፡ ሩባታት መሊኦም ናብ ከተማታት ብምፍሳሶም ልዕሊ 28 ሽሕ ሰባት ካብ ቤቶም ክወጽኡ ተገዲዶም።

ብ17 ለካቲት 2022፡ ኣብ ኦታዋ ጥቓ ባይቶ ካናዳ፡ ብዙሓት ሰባት ኣንጻር ክታበት ኮሮናቫይረስ ተቓውሞ ኣካይዶም። — መግለጺ ስእሊ, ብ17 ለካቲት 2022፡ ኣብ ኦታዋ ጥቓ ባይቶ ካናዳ፡ ብዙሓት ሰባት ኣንጻር ክታበት ኮሮናቫይረስ ተቓውሞ ኣካይዶም።

እዚ፡ ብ4 ለካቲት 2022፡ ኣብ ሃገራዊ ስታድየም ቤጂንግ ዝተኻየሰ መኽፈቲ ስነ ስርዓት ዊንተር ኦሎምፒክ እዩ — መግለጺ ስእሊ, በይጂን፡ ጸወታታት ኦሎምፒክ ክረምትን ሓጋይን ከተአንግድ እንከላ፡ መኽፈቲ ስነ ስርዓት ጸወታታት ኦሎምፒክ ሓጋይ [ዊንተር ኦሎምፒክ] ኣብ ርእሰ ከተማ እታ ሃገር ኣብ ዝርከብ ፍሉይ ስታዲዩም በርድስ ነስት ተኻይዱ።

ዊል ስሚዝ፡ ብ27 መጋቢት 2022 ኣብ ዝተኻየደ መበል 94 ሽልማት ኦስካር ንክሪስ ሮክ ብጽፍዒት ሃሪሙዎ። — መግለጺ ስእሊ, ኮሜዲያን ክሪስ ሮክ፡ ኣብ መድረኽ ሽልማት ሆሊውድ - ኦስካር ብበዓልቲ ቤት ዊል ስሚዝ ጃዳ ፒንከት ስሚዝ ብዘስምዖ ቅይዐ፡ ስሚዝ ብጽፍዒት ሃሪሙዎ። እዚ ክስተት፡ ነቲ ስነ ስርዓት ሽልማት ዓብሊሉዎ ነይሩ፤ ድሕሪኡ ስሚዝ ዘርኣዮ ባህሪ "ዘይቅቡልን ይቕረ ዘይብሃሎን" ምዃኑ ብምግላጽ ይቕሬታ ሓቲቱ።

ብ7 መጋቢት 2022፡ ካብ ከተማ ኢርፒን ዝተመዛበሉ ሰባት — መግለጺ ስእሊ, ኣብ መወዳእታ ለካቲት፡ ሓይልታት ሩስያ ንጐረቤት ሃገር ዩክረይን ወሪሮም። እዞም ሰላማውያን ሰባት፡ ኣብ ጥቓ ርእሰ ከተማ ኪቭ ካብ እትርከብ ከተማ ኢርፒን ካብቲ ኲናት ንምህዳም ሩባ ዝሰግሩ ዘለዉ'ዮም

ደቂ ኣንስትዮ ሳምቡሩ — መግለጺ ስእሊ, እዚአን ኣብ ኬንያ ዝርከባ ደቂ ኣንስትዮ ሳምቡሩ'የን፤ ካብ ባህላዊ ዕንቊታት መጋየጺታት ብምስራሕ ስድራአን ዝሕግዛሉ እቶት ይረኽባ። ኣብ ምምሕዳር ሳምቡሩ ኣብ ዝርከቡ ዕቀባ ሴራ፡ ይነብራ።

ዳግማዊት ንግስቲ ኤልሳቤጥ ኣብዚ ዓመት እየን ዓሪፈን። እዘን ኣብ ንግስና ብሪጣኒያ ንነዊሕ ዓመታት ዝጸንሓ ንግስቲ፡ ኣብ መበል 96 ዓመተን ብ8 መስከረም 2022 ዓሪፈን — መግለጺ ስእሊ, ዳግማዊት ንግስቲ ኤልሳቤጥ ኣብዚ ዓመት እየን ዓሪፈን። እዘን ኣብ ንግስና ብሪጣንያ ንነዊሕ ዓመታት ዝጸንሓ ንግስቲ፡ ኣብ መበል 96 ዓመተን ብ8 መስከረም 2022 ዓሪፈን

ሉላ ዳሲልቫ፡ ብ17 መስከረም 2022 ኣብ ዝተኻየደ ጐስጓስ መረጻ — መግለጺ ስእሊ, ፕረዚደንት ብራዚል ነበር ሉላ ዳሲልቫ፡ ኣብዚ ዓመት ኣብ ዝተኻየደ መረጻ ተወዳዲሩ ተዓዊቱ። ንሱ፡ ምስቲ ሕሉፍ የማናዊ ዝዀነ ጃየር ቦልሶናሮ ተነሓኒሑ፡ 50.9 ሚእታዊት ድምጺ ብምርካብ ተዓዊቱ ናብ ስልጣን ተመሊሱ።

ደቂ ኣንስትዮ፡ ጸጉረን ብምቑራጽ ንመንግስቲ ኢራን ዘለወን ተቓውሞ እንትገልጻ — መግለጺ ስእሊ, ኣብ ዝተፈላለያ ሃገራት ዓለም ዝርከባ ደቂ ኣንስትዮ፡ ኣንጻር መንግስቲ ኢራን ዘለወን ተቓውሞ ንምግላጽ ጸጕረን ቈሪጸን። እዚ ኣብ ኢስታንቡል ዝነበረ ተቓውሞ'ዩ። እዚ ተቓውሞ፡ ኢራናዊት ማሻ ኣሚኒ፡ ኣከዳድና ሒጃብኪ "ዘይግቡእ" እዩ ነይሩ ብዝብል ተኣሲራ እንከላ ድሕሪ ምማታ ዝተላዕለ'ዩ።

ኣብ ሶማልያ፡ ብዙሓት ህጻናት ብከቢድ ሕጽረት መግቢ ተጠቒዖም — መግለጺ ስእሊ, ኣብ ሶማልያ፡ ብዙሓት ህጻናት ብኸቢድ ሕጽረት መግቢ ተጠቒዖም'ዮም። እዚ ሓደ ካብቶም ኣብ ባይደዋ ኣብ ዝርከብ ሆስፒታል ዝነበሩ ህጻናት እዩ። ኣብ ሶማልያ፡ ኬንያን ኢትዮጵያን ብሰንኪ ዘጋጠመ ፍሹል ኣርባዕተ ወቕቲ ዝናብ፡ ኣብቲ ዞባ ኣብ ውሽጢ 40 ዓመታት ካብ ዘጋጠመ እቲ ዝኸፍአ ደርቂ'ዩ።

ሮኬት ኣርቴሚስ ሓደ — መግለጺ ስእሊ, ኣብ ሕዳር፡ ኤጀንሲ ህዋ ኣሜሪካ ናሳ ዝሰርሖ ኣዝዩ ዝሓየለ ሮኬት ኣወንጪፉ። እዚ ኣርተሚስ ሓደ [Artemis 1] ዝብል ስያመ ተዋሂቡዎ

ኣርጀንቲና፡ ኣብ ቐጠር ኣብ ዝተኻየደ ዋንጫ ዓለም 2022 ጽዋዕ ዓቲራ — መግለጺ ስእሊ, ሊዮነል መሲ፡ ሃገራዊት ጋንታኡ ኣርጀንቲና ኣብ ዋንጫ ዓለም ድሕሪ ዲያጎ ማራዶና ፈላማይ ጽዋዕ ክትወስድ ኣብቂዑ። ማራዶና፡ ብ1986፡ ኣርጀንቲና ናብ ዓወት ኣብ ዘምርሓትሉ ካፕተን እታ ጋንታ ኰይኑ ተጻዊቱ እዩ። ኣብዚ ዓመት፡ ኣርጀንቲና ንመጋጥምታ ፈረንሳ ኣብ ፍጹም ቅላዕ ኣርባዕተ ሸቶታት ብምቝጻር'ያ ስዒራ። እቲ ጸወታ፡ ኣብ መንጐ ወዲ 35 ዓመት መሲን ፈረንሳዊ ኪልያን ምባፐን ዝህሉ ሓያል ንሕንሕ ትጽቢት ዝተገብሮ ነይሩ።

ዜናታት

ኣዘራረብቲ ዛዕባታት