బిహార్ అసెంబ్లీ ఎన్నికల ఫలితాలు 2025

బిహార్‌లోని 243 అసెంబ్లీ సీట్లకు నవంబర్ 6, 11 తేదీల్లో రెండు దశల్లో ఎన్నికలు జరిగాయి. నవంబర్ 14న ఓట్ల లెక్కింపు జరుగుతుంది. ప్రధానంగా రెండు కూటముల మధ్య పోటీ నెలకొంది. ఒకటి నేషనల్ డెమొక్రాటిక్ కూటమి. దీనిలో జనతా దళ్(యునైటెడ్), భారతీయ జనతా పార్టీ (బీజేపీ), లోక్ జనశక్తి పార్టీ (రామ్ విలాస్), రాష్ట్రీయ లోక్ మోర్చా, హిందూస్తానీ అవాం మోర్చా (సెక్యులర్) ఉన్నాయి.

విపక్షాల మహాఘఠ్ బంధన్‌లో రాష్ట్రీయ జనతా దళ్, ఇండియన్ నేషనల్ కాంగ్రెస్, వికాస్‌శీల్ ఇన్సాన్ పార్టీ, మూడు లెఫ్ట్ పార్టీలు – కమ్యూనిస్ట్ పార్టీ ఆఫ్ ఇండియా-మార్క్సిస్ట్-లెనినిస్ట్, కమ్యూనిస్ట్ పార్టీ ఆఫ్ ఇండియా (సీపీఐ), కమ్యూనిస్ట్ పార్టీ ఆఫ్ ఇండియా – మార్క్సిస్ట్ (సీపీఐ-ఎం) ఉన్నాయి.