మానుషి ఛిల్లర్: మిస్ వరల్డ్ కిరీటం గెలుచుకున్న ఆరో భారతీయురాలు

మిస్ వరల్డ్ 2017గా నిలవడంతో 20 ఏళ్ల మానుషి చిల్లర్ పేరు ఇప్పుడు ప్రపంచమంతా మారుమోగిపోతోంది.

హరియాణాలో పుట్టిన ఈ యువతి వైద్య విద్యను అభ్యసిస్తూనే ఇప్పుడు ప్రపంచం మెచ్చిన అందగత్తె అయింది. 17 ఏళ్ల తర్వాత విశ్వసుందరి కిరీటాన్ని భారత్‌కు అందించింది.

ఆమె గురించి కొన్ని సంగతులు

భారత ప్రపంచ సుందరీమణులు వీరే..

1951 లో బ్రిటన్‌కు చెందిన ఎరిక్ మెర్లే ఈ పోటీలకు రూపకల్పన చేశారు. అదే ఏడాది జులై 29న మొదటిసారి లండన్‌లో పోటీలు నిర్వహించారు. మొట్టమొదటి ప్రపంచ సుందరిగా స్వీడన్‌కు చెందిన కికి హకన్సన్ నిలిచారు.

ఈ పోటీలు మొదలైన 15 ఏళ్ల తర్వాత భారతీయ యువతి తొలిసారి ఈ కిరీటాన్ని గెలుపొందారు.

ఇప్పటివరకు 6 గురు భారతీయ యువతులు మిస్ వరల్డ్ కిరీటాన్ని చేజిక్కించుకున్నారు.

1966లో రీటా ఫారియా మొదటిసారిగా ప్రపంచ సుందరిగా నిలిచారు.

ఆ తర్వాత చాలా ఏళ్లకు ఐశ్వర్యరాయ్ 1994లో మిస్ వరల్డ్‌గా నిలిచారు.

1997లో డయానా హెడెన్, 1999లో యుక్తాముఖి 2000 సంవత్సరంలో ప్రియాంక చోప్రా ప్రపంచ సుందరిగా నిలిచారు.

17 ఏళ్ల తర్వాత 2017 మిస్ వరల్డ్ కిరీటాన్ని మళ్లీ భారత్‌కు చెందిన మానుషి చిల్లర్ సొంతం చేసుకున్నారు.

మా ఇతర కథనాలు:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి)