23-வது தங்கம் வென்றார் மைக்கேல் பெல்ப்ஸ்

ரியோ ஒலிம்பிக் போட்டியில் அமெரிக்க நீச்சல் வீரர் மைக்கேல் பெல்ப்ஸ் தனது 23-வது தங்கப்பதக்கத்தை வென்றுள்ளார்.

மைக்கேல் பெல்ப்ஸ் தலைமையிலான அமெரிக்க நீச்சல் விளையாட்டு அணி, ரியோ ஒலிம்பிக்கில் இன்று நடைபெற்ற ஆடவர் 4x100 மீட்டர் மெட்லெ தொடர் நீச்சல் போட்டியில் தங்கப்பதக்கம் வென்றது.

இந்த தங்கப் பதக்கத்துடன் சேர்த்து, ரியோ ஒலிம்பிக்ஸில் மைக்கேல் பெல்ப்ஸ் ஐந்து தங்கப் பதக்கங்கள் வென்றுள்ளார்.

2004-இல் நடைபெற்ற ஏதென்ஸ் ஒலிம்பிக்ஸ் போட்டியில் தொடங்கி, இதுவரையில் 23 தங்கம், 3 வெள்ளி, 2 வெண்கலம் என மொத்தம் 28 பதக்கங்களை பெல்ப்ஸ் வென்றுள்ளார்.

23-வது தங்கப்பதக்கத்தை வென்ற மைக்கேல் பெல்ப்ஸ், இத்துடன் தான் நீச்சல் விளையாட்டிலிருந்து ஒய்வு பெறப் போவதாக தெரிவித்தார்.