"விம்பிள்டன் 2017" தெரிந்து கொள்ள வேண்டிய சுவாரஸ்ய தகவல்கள்

மிக நேர்த்தியான மேற்பரப்புகள், வெள்ளை ஆடை முறை, ஸ்ட்ராபெர்ரி பழங்கள், மற்றும் மிக முக்கியமாக உலகின் பிரபல டென்னிஸ் விளையாட்டு வீரர்கள் மற்றும் வீராங்கனைகள் அனைவரும் உலகில் அதிக கௌரவ மிக்கதாக கருதப்படும் ஒரு விளையாட்டின் பரிசுகளுக்காக ஆக்ரோஷமாக மோதும் களம் விம்பிள்டன்.

"விம்பிள்டன் 2017" போட்டி இங்கிலாந்தில் திங்கள்கிழமை உள்ளூர் நேரப்படி 11.30 மணிக்கு தொடங்கியுள்ளது.

``விம்பிள்டன் போட்டிக்கென்று, ஒரு வித அழகும், கம்பீரமும் இருக்கிறது. தொலைக்காட்சியில் பார்க்கும்போது, அதன் பசுமையான மேற்பரப்பு தோன்றும் நேர்த்தியைச் சொல்லலாம் ``, என்கிறார் ஏழு முறை கிராண்ட் ஸ்லாம் பட்டம் வென்ற டென்னிஸ் வீரர் , ஜான் மெக்கென்ரோ .

மொத்தம் 14 நாட்கள் நடைபெறும் இந்த விளையாட்டு பற்றி நாம் அறிந்து கொள்ள வேண்டிய முக்கிய விடயங்களை பாக்கலாம்

தகுதி சுற்று டென்னிஸ் ஆட்டங்கள்

திங்கள்கிழமை டென்னிஸ் போட்டிகள் இங்கிலாந்தில் தொடங்கியிருந்தாலும், இந்த விளையாட்டு போட்டி குறித்த பரபரப்பு ஒரு வாரத்திற்கு முன்னரே தொடங்கிவிட்டது.

"விம்பிள்டன் 2017" போட்டிக்கான தகுதி சுற்று ஆட்டங்கள் கடந்த ஜூன் 26 ஆம் தேதி திங்கள்கிழமையே தொடங்கிவிட்டன.

இந்த போட்டியில் விளையாடக்கூடிய முன்னிலை டென்னிஸ் வீரர்களுக்கு அப்பாற்பட்டு மேலும் 16 ஆடவர் இடங்களுக்கும் 12 பெண்கள் இடங்களுக்கும் டென்னிஸ் வீரர்கள் மற்றும் வீராங்கனைகளை தேர்ந்தெடுக்கும் போட்டி தகுதி சுற்றுகளாக நடைபெற்றுள்ளன.

பிரிட்டனின் பிரபல டென்னிஸ் விளையாட்டு வீரரும், தற்போதைய விம்பிள்டன் சாம்பியனுமாக இருக்கின்ற ஆன்டி மெர்ரி இந்த ஆண்டு மைய விளையாட்டு அரங்கில் நடைபெறும் முதல் போட்டியை ஆடி வெற்றிபெற்றுள்ளார்.

மெர்ரி இந்த ஆண்டு கோப்பையை வெல்வாரா?

2013 மற்றும் 2016 ஆண்டுகளில் விம்பிள்டன் சாம்பியன் கோப்பையை வென்றுள்ள பிரிட்டிஷ் வீரரான ஆன்டி மெர்ரி இந்த ஆண்டு கோப்பையை வெல்வாரா என்ற எதிர்பார்ப்பு அனைவரிடமும் எழுந்துள்ளது.

அவருக்கு இடுப்பில் ஏற்பட்டிருக்கும் காயம் காரணமாக சாம்பியனாக இருக்கும் தற்போதைய நிலையை தக்க வைக்க மர்ரி கடுமையாக போராட வேண்டியிருக்கும்.

30 வயதாகும் மர்ரி, ஏகோன் சாம்பியன்ஷிப் போட்டியில் உலக தர வரிசையில் 90வது இடத்திலுள்ள ஜோர்டான் தாம்சனிடம் முதல்சுற்றிலேயே தோல்வியடைந்து வெளியேறி ரசிகர்களுக்கு ஏமாற்றம் அளித்தார் என்பது குறிப்பிடத்தக்கது.

வராலற்று பதிவு 8வது சாம்பியன்ஷிப்பை துரத்தும் ரோஜர்

7 முறை விம்பிள்டன் சாம்பியன்ஷிப் வென்றிருக்கும் ரோஜர் பெடரர் , ஜெர்மனியில் நடந்த ஹாலி ஓபன் டென்னிஸ் போட்டியில் நான்காவது முறையாக கோப்பையை வென்று உற்சாகமாக விம்பிள்டன்னில் களம் இறங்குகிறார்.

35 வயதாகும் இவர், ஜனவரி மாதம் ஆஸ்திரேலிய ஓபன் டென்னிஸ் போட்டியில் கோப்பையை வென்றதன் மூலம் 18வது கிரான்ட்சலாம் கோப்பையை வென்று வரலாற்று பதிவை உருவாக்கியுள்ளார். இவரும் இந்த ஆண்டு விம்பிள்டன் கோப்பையை வெல்லக்கூடியவராக பலராலும் பார்க்கப்படுகிறார்.

விம்பிள்டன் 2017 - ஆடவர் முதல் பத்து டென்னிஸ் வீரர்கள்

ரஃபேல் நடால் மற்றும் நோவக் ஜோகோவிச் ஆகியோரும் இந்த போட்டியில் ரசிகர்களை மெய்சிலிர்க்க வைக்கும் வகையில் சிறப்பாக ஆட்டங்களை வெளிப்படுத்தக்கூடியவர்களாக உள்ள்னர்.

"விம்பிள்டன் 2017" - 10 முன்னிலை வீராங்கனைகள்

எண்களில் விம்பிள்டன்

இதையும் படிக்கலாம்:

''திருமண நாளில் கூட்டு பாலியல் வல்லுறவுக்கு உள்ளாக்கப்பட்டேன்''

விமானத்தில் `குண்டுப்பெண்' என தொல்லை கொடுத்தவரை வறுத்தெடுத்த மாடல் அழகி!

கோடநாடு எஸ்டேட்: தொடரும் மர்ம மரணங்கள்

கதிராமங்கலம் பற்றி எரிவது ஏன்?

சமூக ஊடகங்களில் பிபிசி தமிழ் :

ஃபேஸ்புக்கில் படித்து கருத்துகள் தெரிவிக்க : பிபிசி தமிழ் முகநூல்

டிவிட்டரில் பிபிசி தமிழை பின்தொடர : பிபிசி தமிழ் ட்விட்டர்

இன்ஸ்டாகிராமில் விருப்பம் தெரிவிக்க : பிபிசி தமிழ் இன்ஸ்டாகிராம்

யு டியூப் பக்கத்தில் காணொளிகளை காண : பிபிசி தமிழ் யு டியூப்