தூக்கமின்மை: தினமும் ஐந்து மணி நேரம் தூங்கினால் என்ன நடக்கும்?

தினமும் குறைந்தது 5 மணி நேரம் உறங்கும் பழக்கம், 50 வயதை கடந்தவர்களுக்கு நாள்பட்ட பலவித உடல்நல பிரச்னைகளை ஏற்படுத்தலாம் என ஆராய்ச்சியாளர்கள் கூறுகின்றனர்.

ஆரோக்கிய குறைவு தூக்கத்தை கெடுக்கும். ஆனால் மோசமான தூக்கம் உடல்நலக்குறைவுக்கான ஒரு முன்னேச்சரிக்கையாகவோ அல்லது ஆபத்தாகவோ இருக்கலாம் என்பது ஆராய்ச்சியாளர்களின் கருத்தாக உள்ளது.

ஆழ்ந்த தூக்கம் உடலையும், மனதையும் மீட்டெடுக்கவும், ஓய்வெடுக்கவும் , புத்துயிர் அளிக்கவும் உதவும் என்பதற்கான சான்றுகள் உள்ளன. ஆனால் "தங்க உறக்க எண்" என்று அழைக்கப்படும் 'இரவு தூக்க மணி நேர அளவு' ஏன் முக்கியமானது என தெளிவாக இல்லை.

பிரிட்டனின் பி எல் ஓ எஸ் மருந்துகள் ஆய்வு, அரசு ஊழியர்களின் உடல்நலம் மற்றும் தூக்கத்தை ஆய்வு செய்தது. சுமார் 8000 பேரிடம் ஒரு வாரத்தில் இரவில் எத்தனை மணி நேரம் உறங்குகிறீர்கள் என்று கேள்வி கேட்கப்பட்டது. அவர்களில் சிலர் தூக்க கண்காணிப்பு கடிகாரம் அணிந்திருந்தனர்.

நீரிழிவு, புற்றுநோய் மற்றும் இதயநோய் உள்ளிட்ட நாள்பட்ட உடல்நல பாதிப்புகள் குறித்து கடந்த 2 தசாப்தங்களில் அளிக்கப்பட தொடர் சிகிச்சைகளின் அடிப்படையில் அவர்கள் பரிசோதிக்கப்பட்டனர்.

50 வயதிற்குட்பட்ட 5 மணிநேரத்துக்கும் குறைவாக தூங்குபவர்களுக்கு, 7 மணி நேரம் தூங்குபவர்களை காட்டிலும் பல நோய்கள் தாக்கும் ஆபத்து 30 சதவீதம் கூடுதலாகும்.

50 வயதில் குறைந்த தூக்கம் என்பது இறப்பு அபாயத்துடன் தொடர்புடையது. குறிப்பாக நாள்பட்ட நோய்களின் பாதிப்புடன் தொடர்புடையது.

பொதுவாக 7 மணி அல்லது 8 மணி நேரம் உறங்க வேண்டும் என்று நிபுணர்களும், லண்டன் பல்கலைக்கழக கல்லூரி மற்றும் பாரிஸ் சிட் பல்கலைக்கழக ஆராய்ச்சியாளர்களும் கூறுகின்றனர்.

நாம் ஏன் உறங்குகிறோம்?

இது குறித்து ஆராய்ச்சியாளர்களுக்கு நிச்சயமாக தெரியாவிட்டாலும், தூக்கம் என்பது மூளைக்கு நினைவுகளை செயல்படுத்த உதவுகிறது . மனநிலைக்கும் , மனச்செறிவு மற்றும் வளர்ச்சிதை மாற்றத்திற்கு தூக்கம் நல்லது என்பது தெளிவாகிறது.

தூக்கம் என்பது மூளை தனது கழிவுகளை அகற்றுவதற்கான ஒரு வாய்ப்பாகும் .

நல்ல தூக்கத்திற்கான சில எளிய வழிகள்:

இது குறித்து சர்ரே ஸ்லீப் மையத்தின் இயக்குநர் பேராசிரியர் டெர்க் ஜான் டிஜ்க் பிபிசி செய்தியிடம் கூறியபோது, இரவு நேர பணி என்பது குறுகிய தூக்கத்திற்கு மட்டுமே வழிவகுக்கிறது என்றும் இது நல்லதல்ல என்றும் கூறினார் . பொதுவாக சிலருக்கு இது சரியாகப்படுகிறது என்றும் அவர் தெரிவித்தார்.

சிலர் ஏன் குறைவாக தூங்குகிறார்கள் என்பது மிகப்பெரிய கேள்வி. இதற்கு என்ன காரணம். இதற்கு நாம் ஏதாவது செய்ய முடியுமா? தூக்கம் என்பது நமது வாழ்க்கைமுறையை மாற்றக்கூடிய முக்கிய காரணியாகும் .

நீண்ட நேர கெட்ட தூக்கமும் நல்ல உடல் நலத்தை பெரிதும் பாதிக்கும் விஷயமாகும்.

பொது மருத்துவர்கள் இப்போதெல்லாம் தூக்க மாத்திரையை அரிதாகவே பரிந்துரைக்கின்றனர். பொதுவாக தூக்க மாத்திரைகள் பக்க விளைவுகள் மற்றும் சார்பு நிலையை ஏற்படுத்துகின்றன .

ஆனால் தூக்க பிரச்னைகள் பெரும்பாலும் தீர்க்கப்படுபவையாகவும், மருத்துவ ஆதரவு கொண்டவையாகவும் உள்ளன.

சமூக ஊடகங்களில் பிபிசி தமிழ்: