அசோக் எல்லுசுவாமி - ஈலோன் மஸ்க்கின் டெஸ்லா ஆட்டோ பைலட் குழு தலைவராக தமிழர் - யார் இவர்?

உலக பெரும்பணக்காரர்களில் ஒருவரான ஈலோன் மஸ்க்குக்கு சொந்தமான, மின்சார வாகனங்களை தயாரிக்கும் டெஸ்லா நிறுவனத்தின் ஆட்டோ பைலட் குழுவின் தலைவராக தமிழ்நாட்டை பூர்விகமாகக் கொண்ட அசோக் எல்லுசுவாமி நியமிக்கப்பட்டுள்ளார்.

கார் அதன் பாதையில் ஒட்டிச் செல்வது, வேகமெடுப்பது, நிறுத்துவது ஆகியவற்றை அதுவாகவே செய்யும் தானியங்கித் தொழில்நுட்பம் 'ஆட்டோபைலட்' என்று அழைக்கப்படுகிறது.

ஆட்டோபைலட் தொழில்நுட்பம் குறித்து ஆராயும் ஆட்டோ பைலட் குழுவில் நியமிக்கப்பட்டுள்ள முதல் ஊழியர் இவர் ஆவார்.

சமூக ஊடகங்கள் வாயிலாக பணியாளர்களை நியமனம் செய்துவரும் டெஸ்லா நிறுவனர் மற்றும் தலைமை செயல் அதிகாரி ஈலோன் மஸ்க் இதனை அறிவித்துள்ளார்.

ட்விட்டரில் தன்னுடைய காணொலி பேட்டி ஒன்றுக்கு பதில் அளித்திருந்த ஈலோன் மஸ்க், "டெஸ்லா நிறுவனம் ஆட்டோ பைலட் குழுவை தொடங்குவதாக நான் ட்வீட் செய்திருந்தேன். அந்த ட்வீட் மூலம் முதன்முதலில் ஆட்டோ பைலட் குழுவில் தேர்வு செய்யப்பட்டது அசோக்தான்" என தெரிவித்தார்.

இந்த செய்தி வெளியானதிலிருந்து, பலரும் அசோக் எல்லுசுவாமி குறித்து இணையத்தில் தேடி வருகின்றனர். அசோக் எல்லுசுவாமியின் பின்னணி என்ன?

முன்னதாக, டெஸ்லா ஆட்டோ பைலட் குழுவுக்கு ஆட்களை தேர்வு செய்யவிருப்பதாக ஈலோன் மஸ்க் தெரிவித்திருந்தார். இத்துறையில் ஆர்வமும் திறமையும் உள்ளவர்கள் விண்ணப்பிக்கலாம் என அவர் தெரிவித்திருந்த நிலையில், அக்குழுவுக்கு நியமிக்கப்படும் முதல் நபர் அசோக் எல்லுசுவாமி ஆவார்.

பிற செய்திகள்:

சமூக ஊடகங்களில் பிபிசி தமிழ்: