கொரோனா வைரஸ் தடுப்பு ஊரடங்கு - மகனுக்காக 1200 கி.மீ பைக் ஓட்டிய தாய்

இந்தியாவில் கொரோனா வைரஸ் தொற்றால் பாதிக்கப்பட்டவர்கள் எண்ணிக்கை 6,000-ஐ கடந்துள்ளது.

இந்தியாவில் மூன்றாவது வாரமாக ஊரடங்கு அமலில் உள்ளது. ஏப்ரல் 14ஆம் தேதியோடு ஊரடங்கு உத்தரவு முடியவுள்ள நிலையில், இது மேலும் நீட்டிக்கப்படும் என்றே எதிர்பார்க்கப்படுகிறது.

இந்தியாவில் கொரோனா தொற்றால் பாதிக்கப்படுபவர்களின் எண்ணிக்கை நாளுக்கு நாள் அதிகரித்துக் கொண்டே போகிறது.

சமீபத்திய நிலவரங்களை இங்கே தொகுத்து வழங்கியுள்ளோம்.

மகனுக்காக சென்ற தாய்

நாடு முழுவதும் ஊரடங்கு அமல்படுத்தப்பட்டுள்ள நிலையில், தெலங்கானாவில் இருந்து 1,200 கிலோ மீட்டர் இரு சக்கர வாகனத்தில் பயணித்து ஆந்திராவில் இருந்த தனது மகனை அழைத்து வந்துள்ளார் ஒரு பெண்மணி.

தெலங்கானா மாநிலத்தில் உள்ள நிஜாமாபாத் என்ற நகரத்தில் இருந்து ஆந்திராவில் உள்ள நெல்லூர் வரை சென்று தன் மகனை வீட்டிற்கு அழைத்து வந்துள்ளார் ராசியா பேகம்.

கொரோனா வைரஸ் தொற்றால் வாழ்வாதாரம் இழந்த மக்களுக்கு உதவ உத்தரப்பிரதேச அரசாங்கம் நடவடிக்கை எடுத்துள்ளது.

முதல் கட்டமாக 11 லட்சம் கட்டடத் தொழிலாளர்களுக்கு அவர்களது வங்கிக் கணக்கில் 1000 ரூபாய் வழங்கப்படும் என்று அம்மாநில முதல்வர் யோகி ஆதித்யநாத் தெரிவித்துள்ளார்.

பிற செய்திகள்:

சமூக ஊடகங்களில் பிபிசி தமிழ்: