மாதம் ரூ.5,000 வழங்கும் தேசிய இளைஞர் தன்னார்வத் திட்டத்துக்கு விண்ணப்பிப்பது எப்படி?

சமூக முன்னேற்றத்திறகாகத் தங்களால் முடிந்த சேவையைச் செய்ய விரும்பும் இளைஞர்களுக்கு அவர்கள் வசிக்கும் பகுதியில் சில காலம் தன்னார்வலராக பணியாற்ற வாய்ப்பளிக்கும் வகையில், 'தேசிய இளைஞர் தன்னார்வலர்' (National Service Volunteer -NSV) என்ற திட்டத்தை மத்திய அரசு செயல்படுத்தி வருகிறது.

இந்தத் திட்டத்தில் சேர்ந்து தன்னார்வலராகப் பணியாற்றுபவர்களுக்கு மத்திய அரசு மாதந்தோறும் ரூ.5000 கவுரவத் தொகையும் வழங்கி வருகிறது.

தேசிய இளைஞர் தன்னார்வத் திட்டம் என்றால் என்ன? திட்டத்தில் சேருவதற்கான தகுதித் தேவைகள் என்ன? எப்படி விண்ணப்பிப்பது?

தேசிய இளைஞர் தன்னார்வத் திட்டம் என்றால் என்ன?

இந்தத் திட்டத்தின் கீழ் சேருபவர்கள் 'தேசிய இளைஞர் காவலர்கள்' (National Youth Corps’ – NYC) என்றும் அழைக்கப்படுகிறார்கள்.

இத்திட்டம் 2011 முதல் மத்திய இளைஞர் மற்றும் விளையாட்டுத் துறையின் தலைமையிலான 'நேரு யுவ கேந்திரா சங்கதன்' என்ற அமைப்பின் மூலம் கண்காணிக்கப்பட்டு வருகிறது.

இதன் கீழ், விண்ணப்பதாரர்கள் அதிகபட்சமாக இரண்டு ஆண்டுகள் தன்னார்வலராக பணியாற்ற வாய்ப்பு வழங்கப்படும். அப்போது அவர்களுக்கு மாதம் தோறும் 5000 ரூபாய் கௌரவ சம்பளம் வழங்கப்படும்.

இந்த திட்டத்தின் கீழ் ஒவ்வொரு ஆண்டும் 12,000 தன்னார்வலர்களை மத்திய அரசு தேர்வு செய்கிறது. அவர்கள் அந்தந்த மாநிலங்களில் உள்ள தொகுதி அளவிலான பகுதிகளுக்கு அனுப்பப்பட்டு அங்கு பணியாற்றுகின்றனர்.

யார் விண்ணப்பிக்கலாம்?

இத்திட்டத்தில் தன்னார்வலராக சேர விரும்புவோரின் வயது 18 முதல் 29 வயதுக்குள் இருக்க வேண்டும். தேர்வு செய்யப்பட்டவர்களுக்கு முதலில் நான்கு வாரங்கள் பயிற்சி அளிக்கப்படும்.

கல்வி தகுதி என்ன?

இத்திட்டத்தில் சேர விரும்பும் விண்ணப்பதாரர்கள் 10ம் வகுப்பு தேர்ச்சி பெற்றிருக்க வேண்டும்.

யாருக்கு முன்னுரிமை கொடுக்கப்படுகிறது?

பட்டப்படிப்பை முடித்த மற்றும் தொழில்நுட்ப திறன் கொண்ட விண்ணப்பதாரர்களுக்கு தேசிய இளைஞர் தன்னார்வலராக தேர்வு செய்யப்படுவதில் முன்னுரிமை அளிக்கப்படும்.

ஆண்ட்ராய்டு போன் மற்றும் பல்வேறு வகையான ஆப்ஸைப் பயன்படுத்துவதில் அனுபவம் உள்ளவர்களுக்கு முன்னுரிமை அளிக்கப்படும்.

வழக்கமான மாணவர்கள் தன்னார்வலர்களாக சேர முடியுமா?

முடியாது. கல்லூரிகளில் முழுநேர மாணவர்களாகப் படிக்கும் மாணவர்கள் இந்தத் திட்டத்தில் சேர முடியாது. அவர்கள் தங்கள் கல்லூரிகளில் என்.சி.சி அல்லது என்.எஸ்.எஸ் திட்டங்களில் சேரலாம்.

பகுதி நேர தன்னார்வலராக பணியாற்றலாமா?

அப்படிப் பணியாற்றமுடியாது.

தன்னார்வலர்களின் சேவைகள் எவ்வாறு பயன்படுத்தப்படும்?

எப்படி விண்ணப்பிப்பது?

இத்திட்டத்திற்கு ஆன்லைனில் விண்ணப்பிக்கலாம்.

அந்தந்த மாவட்ட ஆட்சியர்கள், இளைஞர் தன்னார்வலர்களை சேர்ப்பதற்கான அறிவிப்பை வெளியிடுவார்கள். அந்தப் பகுதியின் முன்னணி நாளிதழ்களிலும் விளம்பரங்கள் கொடுக்கப்படும். விண்ணப்பக் கட்டணம் எதுவும் இல்லை.

விண்ணப்பிக்க என்னென்ன ஆவணங்கள் தேவை?

சமூக ஊடகங்களில் பிபிசி தமிழ்: