Нишони "Ҳулвек" барои физикдони эронии муқими Бритониё

Image copyrightpsi.ir

Ромини Гулистониён, физикдони эронӣ ва устоди донишгоҳи Оксфурд, барандаи нишони "Ҳулвек", аз Анҷуманҳои физики Бритониё ва Фаронса шуд. Ин яке аз медолҳои муътабари ҷаҳонӣ дар ин ришта аст.

Нишони Holweck аз ҷавоизи умдаи ҷаҳонӣ дар риштаи физик аст, ки ҳар сол дар интихоби муштараки Анҷумани физики Бритониё ва Анҷумани физики Фаронса ба як физикдон мерасад.

Ин нишон, ки ҷоизаи нақдӣ ҳам ба ҳамроҳ дорад, яке аз чаҳор медолест, ки ин ду анҷуман ба физикдонон медиҳанд ва ба таври чархишӣ ба пажӯҳишгароне дода мешавад, ки дар Бритониё ва Фаронса мустақар ҳастанд.

Тибқи иттилоъи Анҷуманҳои физики Бритониё ва Фаронса, ин нишон ба далели "нақши пештози Ромини Гулистониён дар заминаи маводди нарми фаъъол ва бахусус шиногарони микрускупӣ ва зарроти кулуйидии фаъъол" ба ӯ мерасад.

Ба навишати вебсойти Анҷумани физики Эрон, оқои Гулистониён коршиносии физикро дар донишгоҳи санъатии Шариф хонда ва сипас барои коршиносии аршад ва дуктуро дар таҳсилро дар донишгоҳи таҳсилоти такмилии Занҷон идома додааст.

Ӯ пас аз он муддате дар ҳайъати уламои ҳамон донишгоҳ будааст.

Ин физикдон дар ҳоли ҳозир устоди физики донишгоҳи Оксфурд аст.

Ин ҷоиза ба ёдбуди Фернонд Ҳулвек, физикдоне, ки дар замони ишғоли Фаронса тавассути нозиҳо дар Ҷанги Ҷаҳонии Дувум дар дасти Гестопу шиканҷа ва кушта шуд, ба исми ӯ номгузорӣ шудааст.

Ҷоиза ва нишони Ромини Гулистониён ҳафтаи оянда рӯзи чаҳоршанбеи 27 авгусence

т дар маросиме дар Фаронса ба ӯ дода мешавад.