Nectophrynoides asperginis: Vyura adimu wa Tanzania waliotunza Marekani

Siku chache zilizopita, vyura wa Kihansi walizua gumzo nchini Tanzania, kutokana na ripoti ya mkaguzi mkuu wa hesabu za serikali kuonesha kuwa wamekua wakigharimu pesa nyingi katika utunzaji wake nchini Marekani.

“Ingawa haiwezekani kubainisha idadi kamili ya sasa ya vyura vinavyosimamiwa nchini Marekani, Tanesco linagharamia dola za Marekani 130,000 kwa mwaka kwa ajili ya kutunza vyura hao, ambapo inakadiriwa takribani ya dola za Marekani milioni 2.86 zilitumika kwa miaka yote 22 ya kuhudumia vyura,” anasema Charles Kichere Mkaguzi mkuu wa hesabu za serikali.

“Katika mwaka 2020/21 na 2021/22, ilifanya malipo ya Sh611.92 milioni ambazo ni sawa na dola za Marekani 260,000. Aliongeza Kichere

Ilikuaje hadi vyura hao wakafika Marekani?

Historia ya vyura wa Kihansi (Kihansi spray toad) ama kitaalamu Nectophrynoides asperginis ilianza muda mfupi baada ya spishi hiyo kugunduliwa kwa mara ya kwanza mwaka wa 1996 wakiishi katika makazi madogo ya ekari tano yaliyoundwa na unyevunyevu na ukungu wa maporomoko ya maji karibu na Korongo la Kihansi.

Mnamo 1999, ujenzi wa bwawa la kuzalisha umeme kwenye korongo ulibadilisha kwa kiasi kikubwa makazi ya vyura hawa adimu. Ingawa bwawa hili ni muhimu kwa uchumi wa Tanzania kwa kuzalisha umeme, ujenzi wake ulipunguza ukubwa wa awali wa maporomoko ya Kihansi hadi asilimia 10 ya mtiririko wake wa awali, na hivyo kupunguza kwa kiasi kikubwa eneo la ukungu ambalo vyura hao walistawi. .

Kufuatia makubaliano kati ya shirika la uhifadhi la Wildlife Conservation Society (WCS) na serikali ya Tanzania na kwa ufadhili wa Benki ya Dunia, ambayo pia ilifadhili ujenzi wa bwawa hilo, wanasayansi na maafisa wa Tanzania walikusanya vyura 499 wa Kihansi kutoka kwenye korongo hilo.

Vyura hao walionekana kwenye makazi yao ya asili kwa mara ya mwisho mwaka wa 2004, na mwaka wa 2009 walitangazwa kuwa wametoweka kwenye makazi yao asili na Muungano wa Kimataifa wa Uhifadhi wa Mazingira (IUCN).

Kwanini ni vyura adimu?

Vyura wa Kihansi asili yake pekee ni maeneo oevu yaliyo chini kabisa ya Maporomoko ya Kihansi nchini Tanzania.

Vyura hawa ni Spishi isiyo ya kawaida kutokana na chura jike huzaa watoto hai, wakiwa wameumbwa kikamilifu, badala ya kutaga mayai ambayo huanguliwa baadae.

Kwa umbo ni wadogo sana, mithili ya sarafu.

Mnamo Agosti 2010, kundi la vyura 100 wa Kihansi walisafirishwa kutoka Bustani ya Wanyama ya Bronx na Zoo ya Toledo hadi nchi yao ya asili ya Tanzania, kama sehemu ya jitihada za kurudisha viumbe hao porini, kwa kutumia kituo cha uenezi katika Chuo Kikuu cha Dar. es Salaam. Mwaka 2017 Vyura wengine walirudishwa katika eneo lao la asili. na mwaka 2019 kundi jingine la vyura lilirudishwa.

Chakula

Utafiti umeonyesha kuwa porini, lishe ya chura hawa ilikuwa tofauti sana. Uchambuzi wa matumbo ya vyura wa kupuliza mwitu ulifunua arthropods zilizo katika maagizo 18 tofauti ya filojenetiki. Kwa kuzingatia utofauti huo mkubwa, walitengenezewa vyakula mbalimbali kwa kuiga vyakula mbalimbali vinavyopatikana katika asili kwa wanyama.

Katika Bustani ya Wanyama ya Bronx ilizalisha wadudu mbalimbali kwa lengo la kutoa aina mbalimbali za lishe kwa mkusanyiko wa vyura hao.

Bidhaa zote za chakula zinazotolewa kwa vyura hupakwa kwanza kwenye poda ya ziada. Hutumia aina sita tofauti ili kuhakikisha vyura wanapokea virutubisho vyote wanavyohitaji (kama vile viungio vya kalsiamu na vitamini A).