Maxaan ka ognahay weerarka lagu qaaday Trump iyo qofkii ka dambeeyay?

Madaxweynihii hore ee Mareykanka Donald Trump ayaa ka badbaaday iskuday dil xilli uu ku sugnaa goob lagu magacaabo Trump International Golf Club oo ku taal West Palm Beach, Florida.

Trump oo nabad qaba ayaana goobta laga waday, iyadoona FBI-da Mareykanka ay ku tilmaameen iskuday di loo muuqda.

Dhacdadaan ayaa ku soo aadeysa laba bilood uun kadib markii uu ka badbaaday iskuday dil kaas oo ka dhacay magaalada Butler ee gobolka Pennsylvania, xilligaas oo Trump dhagta laga dhaawacay waxa uuna ku sugnaa isusoobax ku saabsan olelihiisa doorashada.

Sidee lagu arkay tuhmanaha?

Dhacdadaan ayaa ka dhacday xarunta Golf ee Trump International Golf Club oo ku taal West Palm Beach, oo qiyaastii 15 daqiiqo u jirta guriga Trump ee Florida, Mar-a-Lago.

Ninka isku dayga dilka Trump fuliyay ayaa waxaa arkay ciidamo ka tirsan ilaalada qarsoon ama gaarka ah ee loo yaqaan ‘Secret Service agents’ kuwaas oo xaaqayay waddo aan sidaas uga fogeyn halka u uku sugnaa madaxweynihii hore ee Mareykanka kaas oo cayaarayay ciyaarta Golf-ka, wakiilada ammaanka ayaa ayaa ku gaafwareega goob aan sidaas uga fogeyn halka ay madaxda ku suganyihiin si ay ula socdaan ammaanka sida ay booliisku sheegeen.

Nooca qoriga uu ninkaan isticmaalay ayaa lagu sheegay in uu yahay AK-47 sida uu sheegay Sheriff County Ric Bradshaw, oo ka tirsan FBI-da, waxaana lagu arkay qoriga oo dhexyaala dhagax iyo geedo dhexdooda, goobta uu Trump ku suganyahay ayaa u jirtay 300-500 yards (272-557m) sida ay laamaha amaanka sheegeen.

Wakiillada amaanka ‘’isla markiiba’’ waxa ay ka howlgaleen halka u uku sugnaa qofka qoriga heystay oo baxsad ahaa’’ ayuu yiri sarkaalka FBI-da.

Waxa uu intaa ku daray in adeegga sirta ah uu sameeyay howlgal la mahdiyay.

Sidee lagu soo qabtay tuhmanaha?

Ciidamada ayaa rasaas ku furay markii ay arkeen ninka hubeysan, waxaana ay ku dhufteen afar ilaa shan xabo oo rasaas ah.

Tuhmanaha ayaa tuuray qoriga oo ku baxsaday gaari, isaga oo ka tagay hubkii oo ay la socdeen labo boorso, baaxadda loo isticmaalo bartilmaameedka hubka iyo kamarada GoPro, ayuu yiri Sheriff Bradshaw.

Qof goobjooge ah ayaa arkay ninka oo ku dhexcaraya keymaha geedaha dhexdooda ah waxa uuna u socday dhanka gaari Nissan madow ah, ayuu yiri Sheriff Bradshaw. Goobjoogaha ayaa sawir ka qaaday gaariga, waxa uuna siiyay ciidamada ammaanka.

Tuhmahana ayay booliisku ka qabteen dhanka waqooyi xilli u uku sii jeeday waddada weyn ee I-95 ka dib markii gaariga uu la socday uu ka gudbay degmada Martin, oo qiyaastii 61km (38 mayl) u jirta goobta golf-ka ee Trump.

Dhowr ilo oo sharci fulinta ah ayaa u sheegay BBC-da laanta ka howlgasha dalka Mareykanka, iyo CBS News, in magaca tuhmanaha uu yahay Ryan Wesley Routh.

Waa kuma Ryan Routh?

Waxaa iska soo dabadhacaya faahfaahinada la xiriira taariikhda tuhmanaha.

Isagoo la hadlayay warbaahinta Mareykanka, wiilka uu dhalay Mr Routh, Oran, ayaa ku tilmaamay inuu yahay "Aabe jecel oo daryeela".

"Ma garanayo waxa Florida ka dhacay, waxaana rajaynayaa in arrimuhu ay haatan soo ifbaxayaan, balse xogta aan maqlay ayaa ah waxyar taasina ma ahan wax uu sameyn karo oo u muuqday wax aan caadi ahay, oo waali ah.’’ ayuu Oran ku yiri hadal uu siiyay CNN.

BBC Verify waxay heshay boggaga warbaahinta bulshada ee ku habboon magacaas. Waxay tilmaamayaan in Routh uu ugu baaqay dagaalyahannada ajnabiga ah inay aadaan Ukraine si ay ula dagaallamaan ciidamada Ruushka.

Waxaa sidoo kale jira farriimo u janjeera Falastiin, Taiwan iyo Shiinaha ka-hortagga, oo ay ku jiraan eedeymaha ku saabsan Shiinaha iyo tixraacyada caabuqqa fayraska Covid-19.

Mr Routh, oo aan lahayn khibrad ciidan, ayaa u sheegay New York Times 2023-kii inuu isla markiiba u safray Ukraine ka dib duulaankii Ruushka ee 2022 si uu u helo askar ka tirsan ciidamada Afgaanistaan ee ka soo baxsaday Taliban.

Waxa uu u muuqdaa in uu ku lug lahaa qorista wararka ku saabsan dadaallada, isagoona maqaalo ku daabacay Facebook bishii Luulyo: "Askarta, fadlan ha i soo wicin. Waxaan wali isku dayeynaa inaan ka helno Ukraine si ay u aqbasho askarta Afgaanistaan waxaana rajeyneynaa inaan helno jawaabaha soo socda. bilo...fadlan samir."

Warbixintii hore waxay soo jeedinaysaa in Mr Routh uu lahaa rikoor dembi. Sida laga soo xigtay ilo-wareedka CBS, Ryan Routh waxaa lagu soo oogay oo lagu helay dambiyo badan oo ay kamid yihiin kuwo ka dhacay degmada Guilford ee Waqooyiga Carolina intii u dhaxaysay 2002 iyo 2010.

Dembiyada waxaa ka mid ah, qaadashada hub qarsoodi ah, iska caabbin uu sameeyay sarkaal boolis ah, wadista gaadiid isaga oonan haysan shatiga, haysashada hanti la soo xaday iyo in baabuur lagu jiidhsiiyay oo la orday.

Maxaa ku dhacay Trump?

Trump wax dhaawac ah ma gaarin intii uu shilkaas socday.

Wax yar ka dib markii uu weerarka dhacay kooxda ololaha doorashada ee xisbiga jamhuuriga ayaa soo saaray bayaan uu ku qoranyahay liiska lacag uruurinta iyo xog ku saabsan weerarka: "Waxaa jirta rasaas ka dhacday aagga, laakiin in aysan wararka xanta ah suuqa soo galin oo aysan faraha ka bixin, waxaan rabnay in aad maqasho tan: WAAN NABAD QABAA WAANA FIICANAHAY’’.

Trump ayaa akoonkiisa siiyay wariye anchor Sean Hannity, oo ka tirsan telefishinka Fox News, kaas oo si toos ah u baahiyay dhacdada.

"Waxay ku jireen godka shanaad, waxay doonayeen inay u kacaan si ay u wataan ciyaartooda," ayuu yiri Mr Hannity.

Madaxweynihii hore wuxuu maqlay "pop pop, pop pop", ayuu hadalka raaciyay. "Muddo ilbiriqsiyo gudahood ah, kooxda adeegga Sirta ah ee amniga qaabilsan ayaa ku soo booday madaxweynaha oo isaga isku daboolay."

Waxa uu intaa ku daray in gaariga aan xabadda karin ee ka sameysan birta lagu qaaday isla markaana si degdeg ah goobta loogala cararay Trump waxaana la geeyay goob ammaan ah.

Intii lagu guda jiray isla shirka jaraa'id ee uu la yeeshay sheriff, Jeffrey Veltri oo ka tirsan Xafiiska FBI-da Miami ayaa sheegay in xafiisku uu hogaaminayay baaritaannada iyadoo ay wehlinayaan hay'adaha kale ee fulinta sharciga.

Aqalka Cad ayaa sheegay in madaxweyne Joe Biden iyo madaxweyne ku xigeenka Kamala Harris, oo ah musharraxa madaxweyne ee Dimuqraadiga, ay ka war heleen dhacdadaan ayna ku faraxsan yihiin inay ogaadaan inuu bedqabo.

"Aad ayaan uga xumaaday isku dayga dilka ee suurtagalka ah ee madaxweynihii hore ee Trump maanta," Harris ayaa hadalkaan soo saartay.

Rafael Barros oo ka tirsan Adeegga sirta ah ayaa u sheegay warfidiyeenka axadii in tillaabooyin la qaaday tan iyo isku daygii hore ee dilka waxa uuna yiri "heerka khatartu waa mid sare".