Waa tuma gabadha ugu horeysay ee xijaaban, Soomaalina ah ee loo soo magacaabay inay Mayor ka noqoto Magaalada Sheffield

Duqa cusub ee magaalada Sheffeild ayaa taariikhda galay iyadoo noqotay haweeneydii ugu horreysay oo madow ah, xijaaban, soomaalina ah oo loo magacaabo xilkaas.

Safiya Siciid oo ka tirsan xisbiga Labour-ka ayaa loo caleema saaray inay noqoto Duqa magaalada ee128-aad ee Lord Mayor, shirka golaha deegaanka Isniintii.

Xubno ka mid ah qoyskeeda ayaa ka soo socdaalay Somaliland oo ay kasoo jeedo si ay uga qeyb galaan xaflad lagu qabtay magaalada Sheffield.

Safiya Siciid ayaa tiri: "Waxaa sharaf ii ah inaan noqdo gabadhii ugu horreysay ee madow ah oo xijaaban oo qabata xilkan, waxa aan imid Sheffield 1985-kii, magaaladan ayaana runtii noqotay gurigeyga, meel aan waligey dareemayay inaan ka tirsanahay".

Waa Hooyo keligeed ah oo haysata shan carruur ah, waxaana markii ugu horreysay loo doortay in ay xildhibaan ka noqoto Burngreave sanadkii 2021, waxay aasaastay barnaamijj lagu magacaabo Gaarsii Dhalinyarada (Reach Up Youth), oo ah mashruuc bulsho oo taageeraya dhallinyarada, gaar ahaan kuwa ka soo jeeda dadka asalkoodu yahay madow iyo qowmiyadaha laga tirada badan yahay.

Hiwaayaddeeda waxaa ka mid ah in ay safarto, la xiriirka asxaabta iyo is dhex galka waxayna sheegtay in rabitaankeeda ay "si joogto ah wax u baraneyso" iyadoo ka qeyb galeysa aqoon-is-weydaarsiyada iyo dhacdooyinka isku xirka.

Khudbad ay ka jeedisay kulanka ayay ku sheegtay inay doonayso "cod kasta, si kasta oo uu u aamusan yahay, in la dareemo in laga maqlo bartamaha magaaladan".

Waxayna rajaynaysaa inay Sheffield u beddesho "xarun kobcaysa oo ay maalgashadayaasha, ganacsatada, samafalayaasha, iyo dadka deggani ay sameyn karaan iskaashi oo ay is taageeraan, iyaga oo eegaya in ay soo ururiyaan sheekooyinka Sheffield, kor u qaadaan codkeeda, oo ay si sharaf leh u matalaan ruuxda magaaladeena".

Doorka xilka Lord Mayor waa uun mid sharafeed, ee ma laha wax awood ah, laakiin waxay u shaqeeyaan sidii safiir matalaya magaalada.

Dhanka kale, siyaasiyiintu waxay sidoo kale dooranayeen hoggaamiye cusub iyo laba hoggaamiye ku xigeen.

Iyada oo uu ka koobanyahay 36 xubnood oo ka tirsan golaha deegaanka ee xisbiga shaqaalaha, 28 Liberal Democrats, 14 Green, shan xubnood oo ka tirsan golaha jaalliyadda Sheffield iyo mid madax-bannaan oo golaha deegaanka ah. golahu ma laha aqlabiyad maamul.

Si kastaba ha ahaatee, Tom Hunt oo ka mid ah xildhibaanada ugu badan ee Labour ayaa dib loogu doortay hogaamiyaha golaha.

Ka dib markii Shaffaq Mohammed uu ka tanaasulay xilkaas , Martin Smith ayaa loo magacaabay hogaamiyaha xisbiga Liberal Democrats.

Mohammed oo xildhibaan loo magacaabay Aqalka Sare ee 2024, wuxuu sii ahaan doonaa xubin golaha deegaanka Ecclesall.

Xisbiga Miljöpartiet, Angela Argenzio ayaa beddeshay Douglas Johnson hoggaamiyaha, iyadoo Johnson uu xilkaasi ka degay ka dib muddo lix sano ah oo uu hayey.

Safiya mudadii ay golaha deegaanka ahayd waxa ay soo qabatay jagooyin kala duwan, waxaanay ka kororsatay khibrad balaaran.

Xirfadeeda xildhibaanimo, Safiya waxa ay soo qabatay doorar muhiim ah oo ay ka mid yihiin ku xigeenka duqa magaalada iyo gudoomiyaha gudigga degaanka Waqooyi Bari.

Safiya wax ay nqooneysaa duqii labaad ee Soomaali ah ee Sheffield ka noqdo Lord Mayor iyadoo uu horey duqa magaalada ugasoo noqday Magid Magid, kaas oo ahaa Maayarkii ugu horreeyay ee Soomaali ah magaaladaas, wuxuuna ugu horreeyay duqa magaalada ee xsibiga Green Party, isagoo 28 jir ah, waa duqii ugu da'da yaraa.

Waxa uu Sheffield yimid isagoo shan jir ah kadiib lix bilood oo uu ku sugnaa xero qaxooti oo ku taal Itoobiya isaga iyo hooyadiis iyo shan walaalahiis ah oo ka tagay Soomaaliya "si ay u helaan nolol ka wanaagsan tii hore".

Sheffield waa magaalo ku taal South Yorkshire ee dalka Ingriiska .