ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
ඡායාරූප: ප්රංශයේ කසළ ගොඩවල් ගොඩගැසුණේ ඇයි?
චාල්ස් රජු ප්රංශය සඳහා පිටත් වීමට නියමිතව තිබු සිය පළමු රාජ්ය සංචාරය,එහි විශ්රාම වැටුප් ප්රතිසංස්කරණයට එරෙහි විරෝධතා ප්රචණ්ඩත්වයට පත්වෙමින් පවතින බැවින් කල්දමා තිබේ.
විශ්රාම ගැන්වීමේ වයස අවුරුදු 62 සිට 64 දක්වා ඉහළ නැංවීම සඳහා නීති සම්පාදනය කිරීම හේතුවෙන් ප්රංශය පුරා පැවති උද්ඝෝෂණවලට විශාල ජනකායක් සම්බන්ධ වී සිටිති.
නගර කිහිපයක සති දෙකකට වැඩි කාලයක් කසළ එකතු කරන්නන් වැඩ වර්ජනයක නිරතව සිටින අතර, එකතු නොකළ කුණු ටොන් දහස් ගණනක් පැරීසියේ වීදිවල තැනින් තැන ගොඩ ගසා තිබෙනු දක්නට හැකිය.
ඇතැම් විරෝධතාකරුවන් ඉකුත් බ්රහස්පතින්දා (මාර්තු 23) කසළ ගොඩවල් වලට ගිනි තබන්නට වූ අතර ඊයේ උදෑසන (සිකුරාදා) පිරිසිදු කිරීම් නැවත ආරම්භ කෙරිණි.
මධ්යම පැරිසියේ පැවති විරෝධතා සාමකාමී වූවද, සමහර විරෝධතා කණ්ඩායම් වෙළඳසැල් ආදියේ ජනෙල් කඩා බිඳ දමමින්,කසළ පුළුස්සා දමමින් කැරලි මර්දන පොලිසිය සමග ගැටීම් ද ඇතිකරගෙන තිබේ.
බෝඩෝ නගරයේ මෙම ප්රතිසංස්කරණයට එරෙහිව ඒකරාශී වූ ජනයා "මැක්රොන්, ඉල්ලා අස්වෙනු !" යනුවෙන් හඬ නැඟුහ.
මේ අතර ඉකුත් බ්රහස්පතින්දා (මාර්තු 23) සවස බෝඩෝ නගර ශාලාවේ ඉදිරිපස දොරටුවේ ගින්නක් හට ගත්තේය.
ඉහත සියලු ඡායාරූප ප්රකාශන හිමිකමට යටත් ව පළකොට තිබේ.
