ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
වෙනිසියුලා ශ්රේෂ්ඨාධිකරණයට ප්රහාරයක්;හමුදාව සීරුවෙන්
හෙලිකොප්ටර් යානයකින් පැමිණ වෙනිසියුලා ශ්රේෂ්ඨාධිකරණයට වෙඩි තබමින් අත්බෝම්බ වලින් පහර දෙනු ලැබීමෙන් අනතුරුව යුද හමුදාව සීරුවෙන් තබා ඇත.
වෙනිසියුලා රාජ්ය රූපවාහිනිය ඔස්සේ අදහස් දැක්වූ ජනාධිපති නිකොලස් මදුරෝ (Nicolas Maduro) එම ප්රහාරය ත්රස්ත ක්රියාවක් හැටියට හෙළා දකිමින් එය පිටුපස සිටින්නන් අල්ලා ගන්නා බවට ප්රතිඥාවක් දුන්නේය.
ප්රහාරය සඳහා යොදා ගන්නා ලද හෙලිකොප්ටර් යානය පැහැර ගත් පුද්ගලයා ලෙස සැලකෙන ඔස්කාර් පෙරේෂ් (Oscar Perez) නම් පොලිස් නිලධාරියෙක් ප්රකාශයක් නිකුත් කරමින්, ප්රහාරය "සාපරාධී ආණ්ඩුවකට" එරෙහිව ගත් ක්රියාමාර්ගයක් ලෙස විග්රහ කරමින් ප්රකාශයක් නිකුත් කර ඇත.
සිය අධිකාරිවාදී පාලන බලය තවත් දැඩි කරනු ලැබීම සහ රටේ ජීවන මට්ටම පිරිහීම මුල්කර ගනිමින් පසුගිය මාස කීපය තුළ දියත් කෙරුණ මහජන විරෝධතා ව්යාපාරවලට මුහුණ දීමට ජනාධිපති මදුරෝට සිදුවිය.
ජනාධිපතිවරයාගේ බල අධිකාරය ශක්තිමත් කෙරෙන තීන්දු ප්රකාශයට පත්කරනු ලැබීමෙන් අනතුරුව වෙනිසියුලා ශ්රේෂ්ඨාධිකරණයත් බොහෝ විරෝධතාවාදීන්ගේ උදහසට ලක්ව ඇත.
