ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
සැම්සුන් උරුමකරු අත්අඩංගුවට
දකුණු කොරියාවේ විශාලතම ව්යාපාරයවන සැම්සුන් සමාගමේ මීළඟ අධිපතිවරයා වීමට නියමිත ලී ජායේ-යොං අත්අඩංගුවට පත්විය.
අල්ලස් ලබාදීම ඇතුළු තවත් චෝදනා කීපයක් මත ඔහුව අත්අඩංගුවට ගැනිණි.
දකුණු කොරියානු හිටපු ජනාධිපතිනි පාක් ගුන් හේට එරෙහිව දෝෂාභියෝගයක් ගෙනඒමට හේතුපාදක වූ අපචාර චෝදනා පිළිබඳව කෙරෙන විමර්ශනවලට අදාළව මොහු අත්අඩංගුවට පත්විය.
ආණ්ඩුවේ අනුග්රහය ලබාගැනීමේ අරමුණ ඇතිව ජනාධිපතිනියගේ හිතවතෙකුට ඩොලර් මිලියන හතළිහක අල්ලසක් ලබාදී ඇති බවට සැම්සුන් සමාගමේ මීළඟ උරුමකරුට චෝදනා එල්ලවී තිබේ.
ඔහු අත්අඩංගුවට පත්වූ බව සැලවීමත් සමඟ කොටස් වෙළෙඳපළේ සැම්සුන් කොටස් අගය පහත වැටුණි.
සැම්සුන් සමාගම නිවේදනයක් නිකුත් කරමින් කියා සිටියේ තම සමාගම කිසිදු වරදක් සිදුකර නොමැති අතර අධිකරණයේදී එය ඔප්පු කරන බවය.
